મૂવી રિવ્યુઃ બહુ ના વિચાર

સ્ટોરીઃ

એક તરવરિયો યુવાન વરૂણ દુનિયાને જોવાનો અલગ નજરિયો ધરાવે છે અને ઉદ્યોગસાહસિકો માટેનો એક રિયાલિટી શો જોઈન કરે છે. તે પોતાના બાળપણના મિત્રો અને ભાઈને પણ સાથે લે છે જેથી તે જીતી શકે અને બધાના પરિવારો અને પોતાના બિઝનેસ પાર્ટનર સામે પોતાની જાતને પુરવાર કરી શકે. શું તે સ્ટાર્ટ અપ આઈડિયામાં સફળ થશે અને રિયાલિટી શો જીતી શકશે? આ જાણવા માટે ફિલ્મ જોવી રહી.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

ફ્રેશ સ્ટોરીલાઈનઃ

આ ડિરેક્ટર હૃતુલની પ્રથમ ફિલ્મ છે. બહુ ના વિચાર ફિલ્મથી ઢોલિવુડમાં નવીનતાની લહેર પ્રસરાઈ ગઈ છે. તેમણે ડિરેક્ટર તરીકે આ ફિલ્મને પૂરેપૂરો ન્યાય આપ્યો છે અને સાથે સાથે ફિલ્મના લેખક, ગીતકાર, મ્યુઝિક કંપોઝર તરીકે પણ કામ કર્યું છે. ઈન્ડસ્ટ્રીમાં નવાસવા હોવા છતાંય તેણે નિષ્ણાંત તરીકે આ તમામ રોલને ન્યાય આપ્યો છે. ફિલ્મની સિનેમેટોગ્રાફી અને મ્યુઝિક દાદ માંગી લે તેવું છે.

ચોટદાર ડાયલોગ્સઃ

ફિલ્મના ડાયલોગ્સની વાત કરીએ તો ફિલ્મ હસવા હસવામાં મોટી વાત કહી જાય છે. આ એક એવી ટિપિકલ મસાલા એન્ટરટેઈનર છે જે ગુજરાતના યુવાનો સાથે તરત જ કનેક્શ બનાવી લેશે. ફિલ્મની નેગેટિવ બાજુ તેની ધીમી ઝડપ અને લંબાઈ છે. જો એડિટિંગ ચોટદાર હોત તો ફિલ્મ હજુ વધુ સારી બની શકી હોત. જો કે ફિલ્મનો બીજો હાફ પહેલા કરતા વધુ ઝડપી અને જકડી રાખે તેવો છે.

પરફોર્મન્સઃ

પરફોર્મન્સની વાત કરીએ તો નેચરલ એક્ટિંગથી ભવ્ય ગાંધી ક્લીયર વિનર પુરવાર થાય છે. તેને જોઈને એવું જ લાગે કે જાણે આપણી સોસાયટી-મહોલ્લાનો કોઈ છોકરો વાત કરી રહ્યો હોય. જાનકી અને દેવર્ષિએ પણ પોતાના પાત્રોને બરાબર ન્યાય આપ્યો છે. થિયેટરના દિગ્ગજો રાગી જાની અને સંજય ગલસરે પોતાના રોલને બખૂબી નિભાવ્યો છે. આ ફિલ્મ નવજોત સિંહ ચૌહાણ માટે જોવા જેવી છે, તે સેકન્ડ હાફમાં પોતાના પરફોર્મન્સથી પ્રાણ ફૂંકી દે છે.

ફિલ્મ જોવા જેવી છે કે નહિ?

ઓવર ઓલ ફિલ્મ એન્ટરટેનમેન્ટ પેકેજ છે. છેલ્લા બે મહિનાથી કોઈ સારી ગુજરાતી ફિલ્મ રીલીઝ નથી થઈ ત્યારે બહુ ના વિચાર જોવાની તમને મજા આવશે. અમારા તરફથી ફિલ્મને 3 સ્ટાર.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2ZWvyeg