આ યુવતીએ અપાવ્યું દેશને ગૌરવ, એટલાન્ટિક મહાસાગર પાર કરનાર પ્રથમ મહિલા પાઈલટ બની

આરોહી પંડિતની ઉપલબ્ધિ

મહિલાઓ આજે કોઈપણ ક્ષેત્રમાં પાછળ નથી. મુંબઈની સિટી પાયલટ આરોહી પંડિતે પોતાની સિદ્ધિથી મહિલાઓની સફળતાના છોગામાં યશકલગી ઉમેરી છે. મુંબઈની આરોહી પંડિતે એટલાન્ટિક મહાસાગર ઉપરથી વિમાન ઉડાવીને નવી ઉપલબ્ધિ મેળવી છે. તેણે કેનેડાના નુનાવુટમાં ઈકાલિટ એરપોર્ટ પર પોતાની ફ્લાઈટ લેન્ડ કરી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

23 વર્ષની આરોહીએ પાર કર્યો એટલાન્ટિક મહાસાગર

મુંબઈની 23 વર્ષીય આરોહી પંડિત વિશ્વની પહેલી મહિલા પાયલટ બની છે જેણે હળવા સ્પોર્ટ એરક્રાફ્ટથી એટલાન્ટિક મહાસાગર પરથી ઉડાણ ભરી. આરોહી પંડિતે આ સિદ્ધિ મેળવવા માટે સાત મહિના સુધી સખત ટ્રેનિંગ લીધી. ખરાબમાં ખરાબ વાતાવરણમાં સાગર પરથી ઉડાણ ભરીને ટ્રેનિંગ પૂરી કરી.

બોમ્બે ફ્લાઈંગ ક્લબમાંથી લીધી છે ટ્રેનિંગ

રનવે પર ઉતર્યા બાદ વિમાનમાંથી નીચે આવીને આરોહીએ ભારતનો તિરંગો લહેરાવીને જીતનો જશ્ન મનાવ્યો. આરોહીએ બોમ્બે ફ્લાઈંગ ક્લબમાંથી ફ્લાઈંગની ટ્રેનિંગ લીધી છે. ટ્રેનિંગ લીધા બાદ આરોહીએ સ્કોટલેન્ડના વિકથી કેનાડાના ઈકાલુઈટ સુધી ઉડાણ ભરી. આ ઉડાણમાં આઈસલેન્ડ અને ગ્રીનલેન્ડનો પ્રવાસ પણ કર્યો. આ યાત્રા દરમિયાન આરોહીએ આખા એટલાન્ટિક મહાસાગરને પાર કર્યો.

એકલીએ જ કરી મુસાફરી

ગર્વ કરવાની બાબત એ છે કે, આ ઉડાણમાં તેની સાથે કોઈ નહોતું. તેણે એકલીએ જ એરક્રાફ્ટ ઉડાવ્યું. આ સાથે જ આરોહી ગ્રીનલેન્ડમાં આઈસકેપ પરથી પ્લેન ઉડાવનારી પહેલી મહિલા સોલો પાયલટ બની. આરોહીએ જે એરક્રાફ્ટથી ઉડાણ ભરી તેનું નામ ‘માહી’ છે. આ એક નાનું સિંગલ એન્જિન સાઈનસ 912 વાળું એરક્રાફ્ટ છે. આ એરક્રાફ્ટનું વજન એક બુલેટ બાઈક કરતાં પણ ઓછું છે.

from Page Array – I Am Gujarat http://bit.ly/2Q42ugp