રીલિઝ થયું ‘સ્પાઈડર મેનઃ ફાર ફ્રોમ હોમ’નું ધમાકેદાર ટ્રેલર, જોઈ લો ધમાકેદાર એક્શન

રીલિઝ થયું ધમાકેદાર ટ્રેલર

મુંબઈઃ ‘એવેન્જર એન્ડગેમ’નો ક્રેઝ હજુ ખતમ નથી થયો ત્યાં જ માર્વેલ સ્ટૂડિયોઝનું Spider Man far away from Homeનું બીજું ટ્રેલર રીલિઝ થઈ ગયું છે. આ ટ્રેલરમાં એવેન્જર્સઃ એન્ડ ગેમ સાથેના અનેક સ્પોઈલર્સ પણ જોવા મળશે. ટ્રેલરમાં બતાવવામાં આવ્યું છે કે કેવી રીતે સ્પાઈડર મેન પોતાના ગુરુ આયર્ન મેનની જગ્યા લેવાની કોશિશ કરે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

શું આયર્ન મેનની જગ્યા લેશે સ્પાઈડી?

ટ્રેલરની શરુઆત જ એવી રીતે થાય છે જ્યાં એવેન્જર્સ એન્ડગેમ પૂરી થઈ હતી. પીટર પાર્કર અને આયર્ન મેનનો બોડી ગાર્ડ હેપ્પી હોગન ટોની સ્ટાર્કને યાદ કરે છે. જે પછી સ્પાઈડર મેન લોકોની મદદ કરે છે. જોકે, તેને દરેક લોકો પૂછે છે કે શું તે આયર્ન મેન બનવા ઈચ્છે છે?

મિશન પર જશે પીટર પાર્કર

ટ્રેલરમાં બતાવવામાં આવ્યું છે કે પીટરની મુલાકાત શીલ્ડના ડિરેક્ટર નિક ફ્યૂરી સાથે થાય છે. પીટર બહાર જ્યારે વેકેશન પર રજા પસાર કરવા જાય છે ત્યારે નિક ફ્યૂરી તેને એક મિશન પર લઈ જાય છે. ટ્રેલરમાં એવેન્જર્સ એન્ડગેમની ઝલક સ્પષ્ટ જોવા મળે છે.

વિલન પર હજુ પણ છે સસ્પેન્સ

સ્પાઈડર મેનના બીજા પાર્ટનું ટ્રેલર પહેલા પણ આવ્યું હતું. જેમાં પીટર પાર્કર પોતાના દોસ્તો સાથે યૂરોપની ટૂર પર જાય છે. આ દરમિયાન તે નિક ફ્યૂરીના સંપર્કમાં આવે છે. જોકે, આ ફિલ્મનો વિલન કોણ છે. તે ટ્રેલરમાં સ્પષ્ટ નથી થયું.

‘કેપ્ટન અમેરિકાઃ ધ સિવિલ વોર’થી થઈ હતી એન્ટ્રી

ફિલ્મને સ્પાઈડર મેનના પહેલા પાર્ટના ડિરેક્ટર જોન વોટ્સે ડિરેક્ટ કરી છે. સ્પાઈડર મેનના રોલમાં ટોમ હોલેન્ડ છે. નોંધનીય છે કે 2016માં ફિલ્મ ‘કેપ્ટન અમેરિકાઃ ધ સિવિલ વોર’ ફિલ્મથી સ્પાઈડર મેનની માર્વેલ સિનેમેટિક યુનિવર્સમાં એન્ટ્રી થઈ હતી.

જોઈ લો વિડીયોઃ

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2J5tOud