દીપિકાને રણબીરના પેરેન્ટ્સ સાથે જોઈને આલિયાએ આપ્યું આવું રિએક્શન

દીપિકાએ લીધી રણબીરના પેરેન્ટ્સની મુલાકાતઃ

દીપિકા પાદુકોણ આજે પણ તેના એક્સ રણબીર કપૂરની સારી દોસ્ત છે. આ કારણે બંને મોટા પરદે સાથે દેખાય કે નહિ, ઈવેન્ટમાં તેમની વચ્ચે સારુ બોન્ડિંગ જોવા મળે છે. દીપિકા અત્યારે ન્યુ યૉર્ક ગઈ તો તેણે રણબીરના પેરેન્ટ્સ ઋષિ કપૂર અને નીતૂ કપૂરની મુલાકાત લીધી હતી. તેની સોશિયલ મીડિયા પર પોસ્ટ થયેલી તસવીરને લોકોએ ખાસ્સી પસંદ કરી હતી.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

આલિયાનું રિએક્શનઃ

આલિયાએ પણ આ ફોટા પર રિએક્શન આપ્યું હતું. આલિયાએ આ ફોટો લાઈક કર્યો હતો. આલિયા સાથે લાખો ફેન્સ પણ આ ફોટો લાઈક કરી ચૂક્યા છે. આ ફોટામાં દીપિકા સાથે ઋષિ કપૂર અને નીતૂ ખાસ્સા ખુશ દેખાય છે. નીતૂએ સ્ટેટસ લખ્યું તેના પરથી સ્પષ્ટ થાય છે કે તેને દીપિકાને મળીને કેટલુ સારુ લાગ્યું.

દીપિકાને મળી ખાસ ગિફ્ટઃ

ઋષિ કપૂરને મળવા ગયેલી દીપિકાને રણબીરના પેરેન્ટ્સના આશીર્વાદ ઉપરાંત એક સુંદર ગિફ્ટ પણ મળી હતી. દીપિકાએ ઈન્સ્ટાગ્રામ સ્ટોરી પર તસવીર શેર કરી છે જેમાં તે એક સુંદર બ્રેસલેટ પહેરેલુ દેખાય છે. તેમાં તેણે રણબીરની બહેન રિદ્ધિમા અને માતા નીતૂ કપૂરને ટેગ કર્યા છે. તે સ્પષ્ટ દર્શાવે છે કે તેને આ ગિફ્ટ તેમના તરફથી મળી છે.

કેન્સર સામે લડી રહ્યા છે ઋષિ કપૂરઃ

ઉલ્લેખનીય છે કે ઋષિ કપૂર ગયા સપ્ટેમ્બરથી ન્યુ યોર્કમાં કેન્સરની ટ્રીટમેન્ટ લઈ રહ્યા છે. અત્યારે તે કેન્સર મુક્ત થઈ ગયા છે પણ ફૉલો અપ ટ્રીટમેન્ટ લઈ રહ્યા છે. રણબીરે કહ્યું હતું કે તેના પિતા એક-બે મહિનામાં મુંબઈ પાછા ફરશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2VhSuB7