કેન્સર વિશે ખબર પડી તો કોઈ ટ્રેને કચડી નાખી હોય તેવું લાગ્યુંઃ સોનાલી બેન્દ્રે

કેન્સરની બીમારી પર બોલી સોનાલી બેન્દ્રે

બોલિવૂડ એક્ટ્રેસ સોનાલી બેન્દ્રે કેટલાક મહિના પહેલા ન્યૂયોર્કથી હાઈ ગ્રેડ કેન્સરની સારવાર કરાવીને પાછી આવી છે. પાછલા વર્ષે જુલાઈમાં સોનાલીએ કેન્સર હોવાની જાણકારી આપી હતી. સોનાલીના મુશ્કેલ સમયમાં પરિવાર ઉપરાંત બે બેસ્ટ ફ્રેન્ડ્સે ખૂબ હિંમત વધારી. સોનાલી બેન્દ્રે હાલમાં પોતાની મિત્ર સુઝેન ખાન અને ગાયત્રી ઓબેરોય સાથે નેહા ધૂપિયાના ચેટ શો BFFs વિથ વોગમાં આવી હતી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કેન્સરની જાણ થતા કેવું લાગ્યું?

શોમાં સોનાલી બેન્દ્રેએ કેન્સર સામે પોતાની જંગ પર વાત કરી. આ દરમિયાન તે ભાવુક થઈ ગઈ. સોનાલીએ શોમાં જણાવ્યું કે જ્યારે તેને કેન્સર વિશે ખબર પડી તો કેવો અનુભવ થયો. તે રાત એક્ટ્રેસ માટે ખૂબ જ મુશ્કેલ હતી. સોનાલીએ કહ્યું, જ્યારે અમે તેના વિશે સાંભળ્યું તો એવું લાગ્યું તે કોઈ ટ્રેને તમને મારી નાખ્યા હોય. હું તે દિવસે બિલકુલ નહોતી ઊંઘી. તે રાત્રે મેં બધી વસ્તુનો ઓળખી, મંજૂર કરી અને વિચાર્યું કે હું આ છેલ્લીવાર વિચારતા રડી રહી છું કે આ મને કેવી રીતે અને કેમ થઈ રહ્યું છે.

કેવી રીતે લડી કેન્સર સામે જંગ

સોનાલી આગળ કહે છે, મેં તે સમયે નિર્ણય કરી લીધો હતો કે હવે રોવાનું નહીં થાય. બસ સ્માઈલ અને ખુશીઓ હશે. જ્યારે મેં સૂરજને ઉગતા જોયો તો આ મોમેન્ટ મને ક્લિક કરી ગઈ. મેં પોતાની તસવીર પરિવાર અને મિત્રોને મોકલી અને કહ્યું કે, ‘ગર્લ્સ, સ્વિચ ઓન ધ સનસાઈન.’

મુશ્કેલ સમયમાં બે મિત્રોએ કર્યો સપોર્ટ

પોતાના કપરા સમયે વિશે સોનાલીએ કહ્યું કે, બીમારીમાં આ બે ફેન્ડ્સે મને ખૂબ જ સપોર્ટ કર્યો. તેઓ દરેક સમયે મારી સાથે ઊભી રહી. મને લાગે છે કે આ બેસ્ટ છે. જણાવી દઈએ કે ગાયત્ર અને સુઝેન એક્ટ્રેસ સોનાલી બેંન્દ્રને મળવા ન્યૂયોર્ક પણ જતી હતી. કેન્સર ટ્રીટમેન્ટ દરમિયાન સોનાલી બેન્દ્રે સોશિયલ મીડિયા પર ખૂબ એક્ટિવ હતી. તેની ઈન્સ્ટા પોસ્ટ પર #OneDayAtATime અને #SwitchOnTheSunshine ટ્રેન્ડમાં રહ્યા.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2JigEJk