દેશના રસ્તાઓ પર દોડશે ચીનની આ કાર, ઓટો કંપનીની નજર ભારત પર

આવી રહી છે ચીનની કંપનીઓ

ચીનની ઓટોમોબાઈલ કંપનીઓની નજર ભારતના ઓટો માર્કેટ પર છે. ચીનની કેટલીક ઓટો કંપનીઓ દેશમાં આવવાની છે. આ યાદીમાં પહેલું નામ ચેરીનું છે. જે દેશની સૌથી મોટી કંપની ટાટા મોટર્સ અને ચીનની સરકારનો માલિકી હક ધરાવતી ચેરી ઓટોમોબાઈલ વચ્ચે પાર્ટશીપને લઈને વાતચીત થઈ રહી છે. મિન્ટના રિપોર્ટ અનુસાર આ બંને કંપનીઓ વચ્ચે હાલમાં વાતચીત ચાલું છે. આ ઉપરાંત કંપનીએ કેટલીક ટેકનોલોજી પણ શેર કરવાની રહેશે.

કોર્પોરેટ સંબંધો

આ બંને કંપનીઓ વચ્ચે ચીનમાં કોર્પોરેટ સંબંધો છે. જેગુઆર રેન્જ ઓવર અને ચેરી કંપની જોઈન્ટ વેન્ચર છે. ટાટા મોટર્સ અને ચેરી કંપની ભારત માટે હાથ મિલાવે તો આવનારા દિવસોમાં ભારતના રસ્તાઓ પર ચીનની કાર જોવા મળશે. આ સાથે ચીનની કંપની SAIC પણ પોતાની કાર લૉન્ચ કરવાની છે. જેની પ્રથમ પ્રોડક્ટ હેક્ટર એસયુવી થશે. જે ટૂંક જ સમયમાં ભારતીય માર્કેટમાં જોવા મળશે.

આ કંપનીઓની પણ ભારત પર નજર

ચેરી અને આસઆઈસી સિવાય ચીનની બીજી બે કંપનીઓ Changan Auto અને Great wall moters પણ ભારતી માર્કેટ પર નજર રાખી રહી છે. તક મળતા જ તે ભારતના ઓટો માર્કેટમાં આવી જશે. જ્યારે દેશના ઈલેક્ટ્રિક્ટ માર્કેટમાં ચીનની કંપની BYDનું નામ પ્રથમ ક્રમે છે. જે રાજ્ય સરકારને પોતાની વસ્તુઓ વેચી રહી છે. ચીનની કંપનીઓની ભારતીય ઓટો માર્કેટ પર નજર રહેવા પાછળના અનેક કારણ છે. જેમ કે, ભારતનું ઓટો માર્કેટ સૌથી ઝડપી રીતે આગળ વધી રહ્યું છે. બે દાયકા બાદ ચીનમાં પ્રથમ વખત ચીનની કાર માર્કેટમાં મંદી જોવા મળી છે.

ચીનની કંપનીને ફાયદો

બીજી પણ કેટલીક કારનો સ્ટોક ચીન પાસે પડ્યો છે. જેથી જો તે ટાટા મોટર્સ સાથે કોઈ હાથ મિલાવે તો ફાયદો ચીનનીં કંપનીઓને છે. આ ઉપરાંત ભારતમાં ઈલેક્ટ્રિક કારને વેગ આપવા માટે ચીનની કંપનીઓ ભારતી માર્કેટ પર નજર રાખી રહી છે. આ માટે તેમને ભારતીય માર્કેટમાંથી અનેકગણો ફાયદો થઈ શકે છે.

 

 

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2WzLOzO