ઐશ્વર્યા પર મીમ: વિવેકે કહ્યું, ‘મેં ખોટું નથી કર્યું તો પછી માફી કેમ માગું?’

મુંબઈ: એક્ઝિટ પોલ્સ સંદર્ભે એક્ટ્રેસ ઐશ્વર્યા રાય બચ્ચન પર મીમ શેર કર્યા બાદ ઘેરાયેલા એક્ટર વિવેક ઓબેરોયે માફી નથી માગી. સોશિયલ મીડિયા પર થઈ રહેલી ટીકા અને રાષ્ટ્રીય મહિલા આયોગ દ્વારા નોટિસ મોકલાવ્યા બાદ વિવેક ઓબેરોયે કહ્યું કે તેણે કશું ખોટું નથી કર્યું. સમાચાર એજન્સી ANIને બોલિવૂડ એક્ટરે કહ્યું કે લોકો કહી રહ્યા છે કે માફી માગો, મને માફી માગવામાં કોઈ સમસ્યા નથી પણ મને જણાવો કે મેં ખોટું શું કર્યું છે? તમને જણાવી દઈએ કે NCWના અધ્યક્ષ રેખા શર્માએ કહ્યું કે વિવેક ઓબેરોયે સોશિયલ મીડિયા પર માફી માગવી જોઈએ.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

વિવેક ઓબેરોયે કહ્યું કે હું નથી જાણતો કે લોકો કેમ આ વાતને મોટો મુદ્દો બનાવી રહ્યા છે. કોઈએ મને એક મીમ મોકલ્યું હતું અને મેં તે વ્યક્તિની રચનાત્મકતાના વખાણ કર્યા. જો કોઈ તમારા પર હસે તો તમારે તે ગંભીરતાથી લેવું જોઈએ નહીં. વિવેક ઓબેરોયે વધુમાં કહ્યું કે જે મીમમાં છે તેઓને કોઈ સમસ્યા નથી અને બીજા લોકોને વધુ સમસ્યા છે. પશ્ચિમ બંગાળના મુખ્યમંત્રીનું નામ લીધા વિના વિવેકે કહ્યું કે દીદી (મમતા બેનરજી)એ એક મીમના મુદ્દે કોઈને જેલમાં ધકેલ્યા હતા અને હવે લોકો મને પણ જેલમાં મોકલવાનું કહી રહ્યા છે. હવે તે લોકો મારી ફિલ્મ નથી રોકી શકતા તો આ પ્રયાસ કરી રહ્યા છે. તમને જણાવી દઈએ કે વડાપ્રધાન મોદીના જીવન પર આધારિત બાયોપિક ‘પીએમ નરેન્દ્ર મોદી’માં એક્ટર વિવેક ઓબેરોય મોદીની ભૂમિકામાં જોવા મળશે.

એશ સાથેની ટ્વીટ કરી ફસાયો વિવેક, મહિલા આયોગે મોકલી નોટિસ

Haha! creative! No politics here….just life

Credits : @pavansingh1985 pic.twitter.com/1rPbbXZU8T

— Vivek Anand Oberoi (@vivekoberoi) May 20, 2019

એક્ટ્રેસ સોનમ કપૂરની પ્રતિક્રિયા પર વિવેક ઓબેરોયે કહ્યું કે મેં વાંચ્યું…મને લાગે છે કે ક્યારેક-ક્યારેક કેટલાંક લોકો કૂલ બનવા માટે ટ્વિટર પર આ બધું લખતા હોય છે. હું સોનમને પૂછવા માગું છું કે તેણે મહિલા સશક્તિકરણના મુદ્દે કેટલું કામ કર્યું છે? અમે ગત 10 વર્ષમાં 2200 બાળકોનું સશક્તિકરણ કર્યું છે જે પૈકી કેટલીક બાળકીઓ આજે સ્કોલરશિપ પર અમેરિકા, યૂકે અને કેનેડામાં અભ્યાસ કરી રહી છે. તેમણે વધુમાં જણાવ્યું કે સોનમ કપૂર સારી છે અને તેના પિતા અનિલ કપૂરનું હું ખૂબ સન્માન કરું છું પણ હું સોનમને સલાહ આપવા માગું છું કે તે તેની ફિલ્મોમાં ઓવરએક્ટિંગ ઓછી કરે અને સોશિયલ મીડિયા પર ઓછું ઓવર રિએક્ટ કરે.

Vivek Oberoi speaks on Sonam Kapoor's reaction to his tweet (on exit polls), "…Aap apni filmon mein thoda kam overact karein aur social media pe thoda kam overreact karein. I've been working in women empowerment for 10 yrs now. I don't think this is hurting anyone's sentiments" pic.twitter.com/pOWAwO29N6

— ANI (@ANI) May 20, 2019

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2JwoSPf