ડીઝલ કારની ઘટતી લોકપ્રિયતા વચ્ચે હોન્ડાએ કરી મોટી જાહેરાત

નવી દિલ્હી: જાપાનીઝ ઓટો કંપની હોન્ડા કાર્સ ઇન્ડિયા લિમિટેડે કહ્યું છે કે ભારતમાં BS-VI એમિશન નિયમોનો અમલ થાય તે પછી પણ ડીઝલ કારનું ઉત્પાદન ચાલુ રાખશે. આ નિયમોનો અમલ 1 એપ્રિલ 2020થી થશે.

હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો

ઉલ્લેખનીય છે કે મારુતિ સુઝુકીએ ત્યાર પછી ડીઝલ કારનું વેચાણ બંધ કરવાનો નિર્ણય જાહેર કરી દીધો છે અને ટાટા મોટર્સે પણ સ્મોલ કાર સેગમેન્ટમાં ડીઝલ કારનું ઉત્પાદન બંધ કરવાની જાહેરાત કરી દીધી છે. હોન્ડા કાર્સ ઇન્ડિયાએ કહ્યું હતું કે તે તેના બે ડીઝલ એન્જિન અપગ્રેડ કરશે અને તેને BS-VI એમિશન નિયમ મુજબના બનાવી દેશે. અમેઝ, સિટી, WR-V, BR-V, સિવિક અને CR-V મોડલમાં આ એન્જિન છે. તે અપગ્રેડેડ મોડલ પેટ્રોલ અને ડીઝલ બન્નેમાં લોન્ચ કરશે.

હોન્ડા કાર્સના સિનિયર વાઇસ પ્રેસિડન્ટ અને ડિરેક્ટર (માર્કેટિંગ-સેલ્સ) રાજેશ ગોયલે કહ્યું હતું કે, “અમારા અનુભવને આધારે અમે કહીએ છીએ કે 80 ટકા ગ્રાહકો તેમને કેટલું ડ્રાઇવિંગ કરવાનું છે અને રિકવરી પિરિયડ કેટલો છે તેને ધ્યાનમાં લઈને પેટ્રોલ કે ડીઝલ વર્ઝન નક્કી કરતા હોય છે. પરંતુ 20 ટકા ગ્રાહકો ચોક્કસ ફ્યુઅલ જ પસંદ કરતા હોય છે. અમારી કંપની આ 20 ટકા ઇમોશનલ ચોઇસવાળા ગ્રાહકોની કાળજી લેશે.”

from Page Array – I Am Gujarat http://bit.ly/2VfRAFr