ઈશા અને આકાશ અંબાણીના બાળપણની આ ક્યૂટ તસવીર થઈ વાયરલ

ઈશા-આકાશની ક્યૂટ તસવીર

આકાશ અંબાણી અને ઈશા અંબાણીના બાળપણની એક ક્યૂટ તસવીર સોશિયલ મીડિયામાં વાયરલ થઈ છે. તસવીરમાં બંને નીતા અંબાણી અને મુકેશ અંબાણીના ખોળામાં બેસેલા જોવા મળ્યા. આકાશ-ઈશા સાથે રમી રહ્યા છે. બંનેના બાળપણની આ તસવીરે ચર્ચા જગાવી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

IVF ટેકનોલોજીથી થયો આકાશ-ઈશાનો જન્મ

ઈશા અને આકાશ ટ્વિન્સ છે અને બંનેનો જન્મ IVF ટેકનોલોજીથી થયો હતો, આ અંગેનો ખુલાસો નીતા અંબાણીએ પોતે કર્યો હતો. બંને એકબીજા સાથે સ્પેશિયલ બોન્ડ પણ શેર કરે છે. ઈશા અંબાણી સોમવારે ન્યૂયોર્કમાં યોજાયેલી મેટ ગાલા ઈવેન્ટમાં જોવા મળી હતી. પ્રબલ ગુરાંગે ડિઝાઈન કરેલા ગાઉનમાં ઈશાએ બધાનું ધ્યાન પોતાની તરફ ખેંચ્યું હતું.

ઈશાએ આનંદ પીરામલ સાથે કર્યા લગ્ન

ઈશા અંબાણીએ 12મી ડિસેમ્બર 2018ના રોજ બિઝનેસમેન આનંદ પીરામલ સાથે પ્રભુતામાં પગલા માંડ્યા હતા. ઈશા અને આનંદના લગ્ન અંબાણી પરિવારના નિવાસસ્થાન એન્ટીલિયામાં થયા હતા. તેના લગ્નની ચર્ચા દેશ-વિદેશના મીડિયામાં પણ છવાયેલી રહી.

ઈશા-આનંદની મિત્રતા પ્રેમમાં પરિણમી

ઈશા-આનંદના લગ્નમાં ફિલ્મ, સ્પોર્ટ્સ, બિઝનેસ અને રાજનૈતિક જગતના દિગ્ગજો ઉપસ્થિત રહ્યા હતા અને નવદંપતીને આશીર્વાદ આપ્યા હતા. ઉલ્લેખનીય છે કે અંબાણી અને પીરામલ પરિવાર સારા મિત્રો છે. પારિવારિક મિત્રતાના કારણે ઈશા અને આનંદ મિત્રો બન્યા હતા અને બાદમાં બંનેની મિત્રતા પ્રેમમાં પરિણમી હતી.

આકાશે શ્લોકા મહેતા સાથે કર્યા લગ્ન

વાત કરીએ આકાશની તો, આકાશે આ વર્ષના માર્ચ મહિનામાં શ્લોકા મહેતા સાથે લગ્ન કર્યા હતા. શ્લોકા મહેતા હીરાના વેપારી રસેલ મહેતાની દીકરી છે. આ ગ્રાન્ડ વેડિંગ મુંબઈ સ્થિત જિયો સેન્ટરમાં યોજાયા હતા. તેના લગ્નમાં પણ દિગ્ગજોએ હાજરી આપી હતી.

લગ્નમાં શ્લોકાનો રાણી જેવો ઠાઠ-માઠ

લગ્નમાં શ્લોકા મહેતાનો રાણી જેવો ઠાઠ-માઠ જોવા મળ્યો હતો, આકાશ અને શ્લોકા ઘણા સમયથી એકબીજાને ઓળખે છે. આકાશ અને શ્લોકાના લગ્નના વીડિયો પણ સોશિયલ મીડિયા પર ખૂબ વાયરલ થયા હતા.

from Page Array – I Am Gujarat http://bit.ly/2HfAylG