મારુતિ પછી હવે ટાટા મોટર્સ પણ નાની ડીઝલ કાર્સનું ઉત્પાદન બંધ કરશે

પોર્ટફોલિયોમાંથી ડીઝલ કાર્સ હટાવશેઃ

નવી દિલ્હીઃ પ્રદૂષણ નિયંત્રણને લગતા નિયમોના બદલાવોને જોતા વાહન બનાવતી અગ્રણી કંપની ટાટા મોટર્સ પોતાના પોર્ટફોલિયોમાંથી ધીરે ધીરે નાની ડીઝલ કાર્સને હટાવી દે તેવી શક્યતા છે. કંપનીના એક વરિષ્ઠ અધિકારીએ કહ્યું કે BS-VI સ્ટાન્ડર્ડ્સ આવતા વર્ષથી લાગુ પડ્યા બાદ ડીઝલ વાહનો મોંઘા થશે. મારુતિએ પણ 1 એપ્રિલ 2020થી ડીઝલ વેહિકલ્સ માર્કેટમાંથી હટાવી લેવાની જાહેરાત કરી છે. કંપનીઓનું માનવું છે કે મોંઘી કાર્સ ગ્રાહકોની પહોંચ બહાર થઈ જશે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

ગ્રાહકોને કાર્સ મોંઘી પડશેઃ

ટાટા મોટર્સના પેસેન્જર વેહિકલ્સ બિઝનેસ યુનિટના પ્રમુખ મયંક પરીકે જણાવ્યું, “સ્મૉલ કેપેસિટી એન્જિન વિકસાવવામાં જેટલો ખર્ચ થાય છે તેની સામે મિડ સાઈઝ ડીઝલ મોડેલમાં જે ડિમાન્ડ છે તે પૂરતી નથી. વળી આ સેગમેન્ટમાં 80 ટકા ડિમાન્ડ પેટ્રોલ વેરિયન્ટની છે. આથી ડીઝલ એન્જિનમાં વધુ રોકાણ કરવું કંપનીને મુનાસિબ નથી લાગતું.” તેમણે વધુમાં જણાવ્યું કે કંપનીની અન્ય પ્રોડક્ટ્સ જેવી કે કોમ્પેક્ટ SUV નેક્સન અને તાજેતરમાં લોન્ચ થયેલી SUV હેરિયરમાં મોટા 1.5 લિટર અને 2 લિટરના પાવર ટ્રેન્સ આવેલા છે. તેને પણ હવે અપગ્રેડ કરવામાં આવશે. હાલમાં હેરિયર માટે કંપની એન્જિનની આયાત ફિયાટ પાસેથી કરી રહી છે. પરીકે જણાવ્યું કે નાની કાર્સ માટે BS-VI એન્જિન ઈન્ટ્રોડ્યુસ કરવા મોંઘા પડી શકે છે, ખાસ કરીને નાની ડીઝલ કાર્સ માટે. તેમણે જણાવ્યું, “આ ઊંચી કિંમતનું ભારણ છેલ્લે તો ગ્રાહક પર જ આવશે. આ કારણે ડીઝલ વાહનનું વેચાણ ઈન્ડસ્ટ્રીમાં ધીરે ધીરે ઘટી જશે.”

આ કાર્સનું પ્રોડક્શન બંધ થશે?

ટાટા મોટર્સ હાલ એન્ટ્રી લેવલ હેચબેક 1.0 લીટર ડીઝલ એન્જિન સાથે મોકલે છે. આ ઉપરાંત કંપની સિડાન કાર ટિગોર 1.05 લીટર ડીઝલ એન્જિન અને જૂના મોટેલની વોલ્ટ અને જેસ્ટ કાર 1.3 લીટર ડીઝલ એન્જિન સાથે વેચે છે. હવે કંપની આ કાર્સના ડીઝલ વેરિયન્ટનું પ્રોડક્શન બંધ કરવાની તૈયારી કરી રહી છે.

ફોર્ડ ડીઝલ કાર ચાલુ રાખશેઃ

ઉલ્લેખનીય છે કે આ મહિનાની શરૂઆતમાં મારુતિએ પણ 1 એપ્રિલ 2020થી ડીઝલ કાર્સ બંધ કરવાની જાહેરાત કરી છે. બીજી બાજુ ફોર્ટે જણાવ્યું છે કે તે ડીઝલ કાર વેચવાનું ચાલુ રાખશે. ફોર્ડ ઈકો સ્પોર્ટ અને એન્ડેવર જેવી ડીઝલ કાર વેચે છે. તેમણે જણાવ્યું કે તે 1 એપ્રિલ 2020ની ડેડલાઈન પહેલા BS-VIના સ્ટાન્ડર્ડને માફક આવે તેવા ડીઝલ પાવરટ્રેઈન સાથે તૈયાર થઈ જશે. આખા દેશમાં ભારત સ્ટેજ VI (BS-VI) એમિશનના નિયમો 1 એપ્રિલ 2020થી લાગુ પડશે. અત્યારે દેશમાં જે વાહન વેચાય છે તે BS IV નિયમો અનુસારના છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2vHc7YZ