રોહિત શેટ્ટીને મળ્યો નવો વિલન, ‘સૂર્યવંશી’ ‘સિમ્બા’ અને ‘સિંઘમ’ની સામે પડશે

‘સૂર્યવંશી’માં કોણ હશે વિલન?

‘અક્સ’, ‘ગુલાલ’ અને ‘મૉમ’ જેવી ફિલ્મોમાં નેગેટિવ પાત્ર ભજવી ચૂકેલો એક્ટર અભિમન્યુ સિંહ ટૂંક સમયમાં જ વધુ એક ફિલ્મમાં વિલનનો રોલ કરતો જોવા મળશે. આ ફિલ્મ છે રોહિત શેટ્ટી અને અક્ષય કુમારની ‘સૂર્યવંશી’. શ્રીદેવીની ફિલ્મ ‘મૉમ’માં જગનનો રોલ કરનાર અભિમન્યુ અત્યાર સુધીમાં ઘણી ફિલ્મોમાં નેગેટિવ રોલ ભજવી ચૂક્યો છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ફિલ્મ જોઈને રોહિત શેટ્ટીએ આપ્યું કામ

રોહિત શેટ્ટીની ગત ફિલ્મ ‘સિમ્બા’માં સોનૂ સૂદે વિલનનું પાત્ર ભજવ્યું હતું. અભિમન્યુએ એક ઈન્ટરવ્યૂમાં કહ્યું, “રોહિત સરે મને તમિલ એક્શન થ્રિલર ફિલ્મ થીરાન જોઈને પસંદ કર્યો. એ ફિલ્મમાં મેં એક વિલનનો રોલ કર્યો હતો જેના અમુક લક્ષણ હીરો જેવા હતા. આ ફિલ્મ જોયા બાદ રોહિત સર એટલા ખુશ થયા કે તેમણે મને ફોન કરીને કહ્યું કે, અભિનંદન તને સૂર્યવંશી ફિલ્મમાં કામ મળી ગયું છે.”

અભિમન્યુએ પાત્ર વિશે જણાવ્યું

ફિલ્મ ‘સૂર્યવંશી’માં પોતાના પાત્ર વિશે વાત કરતાં અભિમન્યુએ કહ્યું કે, “મારું પાત્ર ખૂબ જ ઘાતક છે. જેણે દેશના તમામ પોલીસવાળા સામે જંગ છેડી છે.” ફિલ્મ ‘સૂર્યવંશી’માં અક્ષય કુમાર એટીએસના ચીફ ઓફિસર વીર સૂર્યવંશીના રોલમાં છે. ફિલ્મમાં અક્ષય કુમારની માતાના રોલમાં એક્ટ્રેસ નીના ગુપ્તાને લેવામાં આવી છે.

‘સિમ્બા’-‘સિંઘમ’ પણ જોવા મળશે

મુંબઈમાં ચાલી રહેલા શૂટિંગના 10-12 દિવસ બાદ રોહિત શેટ્ટી ટીમને લઈને બેંકૉક દશે. જ્યાં અક્ષય કુમારના પાત્રનું ઈન્ટ્રોડક્શન સીન શૂટ કરવામાં આવશે. ત્યારબાદનું શૂટિંગ હૈદરાબાદની રામોજી ફિલ્મ સિટી અને ગોવામાં થશે. ‘સૂર્યવંશી’માં રોહિત શેટ્ટીની અગાઉની બે ફિલ્મોના પોલીસ પાત્રો ‘સિમ્બા’ અને ‘સિંઘમ’ પણ જોવા મળશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2JgjDTx