ભારતની સ્ટાર સ્પ્રિન્ટર દુતી ચંદાનો મોટો ખુલાસો, કહ્યું- “હું સમલૈંગિક છું”

“હું સમલૈંગિક છું”

નવી દિલ્હીઃ ભારતની સ્ટાર સ્પ્રિન્ટર અને 100m દોડમાં નેશનલ રેકોર્ડ હોલ્ડર દુતી ચંદે પોતાના જીવનસાથી અંગે ખુલાસો કર્યો છે. એશિયન ગેમમાં સિલ્વર મેડલ જીતનારી દુતીએ કહ્યું કે તે પોતાના શહેરની એક મહિલા ફ્રેન્ડ સાથે રિલેશનશિપમાં છે. દુતી ઓડિશાના ચાકા ગોપાલપુર ગામથી આવે છે અને જાજપુર જિલ્લામાં તેના માતા-પિતા દરજી છે. ભારતની આ સ્ટાર પ્રિન્ટર 100 મીટર, 200 મીટર અને 4X100 મીટર રેસમાં ભાગ લે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ઈન્ટરવ્યુમાં કર્યો આ ખુલાસો

દુતી ચંદે અંગ્રેજી અખબાર “ધ ઈન્ડિયન એક્સપ્રેસ”ને આપેલા ઈન્ટરવ્યુમાં આ ખુલાસો કર્યો છે. દુતીએ જણાવ્યું છે કે, “હું મારો સાથી શોધી લીધો છે.” દુતીએ આગળ જણાવ્યું કે, “મને લાગે છે કે, દરેક વ્યક્તિને આ આઝાદી હોવી જોઈએ કે જેની સાથે તે રહેવા માગે તે પોતાનો પાર્ટનર શોધી શકે.”

સમલૈંગિકોને સાથ આપ્યો છે

આ 23 વર્ષની સ્પિન્ટરે કહ્યું- “મે હંમેશા જ એ લોકોને સપોર્ટ કર્યો છે, જે સમલૈંગિક છે. આ દરેકની વ્યક્તિગત પસંદ છે. હાલ મારું ફોકસ આગામી વર્લ્ડ ચેમ્પિયનશિપ અને ઓલિમ્પિક સ્પોર્ટ્સ પર છે પણ ભવિષ્યમાં હું તેની (મારા સાથી) સાથે સેટલ થવા માગું છું.”

કોર્ટના નિર્ણયથી ખુશ

આ દિગ્ગજ ખેલાડીએ કહ્યું- “આઈપીસીની કલમ 377ને પાછલા વર્ષે સુપ્રીમ કોર્ટ દ્વારા બિનગુનાહિત ગણાવ્યા પછી સંબંધો અંગે ખુલીને બોલવાનો વિશ્વાસ મળ્યો છે.” દુતીએ જણાવ્યું, “મને લાગે છે કે, એક એથ્લિટ તરીકે કોઈને મારા વિશેનો મત નક્કી કરવાનો હક નથી, કારણ કે આ મારો નિર્ણય છે કે હું કોની સાથે છું, જેની સાથે હું રહેવા માગું છું. આ એક અંગત નિર્ણય છે, જેનું સન્માન થવું જોઈએ.”

from Page Array – I Am Gujarat http://bit.ly/2Js6wP4