ગરમીના કારણે નાકમાં થતી ફોલ્લીમાં રાહત આપશે આ સરળ ઘરેલું ઉપચાર

નાકમાં ફોલ્લી થાય છે?

જો તમને એવું લાગતું હોય કે ખીલ માત્ર ચહેરા પર જ થાય છે તો તમે તદ્દન ખોટા છો. કેટલીકવાક નાકની અંદર પણ ખીલ થતાં હોય છે જેને લોકો નસકોરી કહેતા હોય છે. આમ તો તેને નેઝલ વેસ્ટિબ્યૂલિટિસ પણ કહેવામાં આવે છે. આ એક બેક્ટેરિયાના કારણે થાય છે. પ્રદૂષણ અને ધૂળ-માટી સિવાય વારંવાર નાક સાફ કરવાની આદતના કારણે પણ ફોલ્લી થાય છે. નાકમાં ફોલ્લી થાય તો દુખાવો થાય છે જે અસહનીય હોય છે. ફોલ્લીના ઉપાય માટે લોકો ડોક્ટર પાસે જાય છે. પરંતુ કેટલાક ઘરેલુ ઉપચાર દ્વારા પણ નાકની અંદર થતી ફોલ્લીથી છુટકારો મેળવી શકાય છે. અમે તમને કેટલાક ઉપાયો બતાવી રહ્યા છીએ જેનાથી છુટકારો મળશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આ રીતે શેક કરો

સુતરાઈ કાપડને લઈને તેને ગરમ કરી લો, તેનાથી શેક આપવાથી દુખાવો ઓછો થશે અને રાહત મળશે. આ સિવાય નાકની અંદર થયેલી ફોલ્લી માટે એલચીનો ચૂરણ પણ મદદગાર સાબિત થશે. બરફનો ટુકડો ઘસવાથી પણ ફોલ્લીની સાઈઝ ઘટી જાય છે અને પછી તે ગાયબ થઈ જાય છે.

તજના તેલનો ઉપયોગ

નાકમાં ફોલ્લી થાય તો તજનું તેલ લગાવવાથી પણ ફાયદો મળે છે. આ સિવાય ટી ટ્રી ઓઈલ તેમજ લીમડાનું તેલ લગાવવાથી પણ નાકની અંદર ફોલ્લીમાં રાહત મળે છે.

આ વાતનું ધ્યાન રાખો

આ ઘરેલું ઉપાય સિવાય નાકની અંદર ખીલ કે ફોલ્લી થાય તો કેટલીક દવાઓ પણ ઉપલબ્ધ છે, જે તમે ડોક્ટરની સલાહ લીધા બાદ લઈ શકો છો. તે વાત ખાસ ધ્યાનમાં રાખો કે કોઈ પણ દવા કોઈની સલાહ લીધા વગર ન લો અને પોતાની જાતે કંઈક નવો અખતરો ન કરો.

આવી ભૂલ ક્યારેય ન કરતાં

નાકમાં ખીલ કે ફોલ્લી થાય તો તેને વારંવાર અડીને ફોડવાનો પ્રયાસ ન કરશો. આમ કરવાથી સોજો આવી શકે છે. હેલ્ધી ખોરાક લો અને તળેલી વસ્તુઓથી દૂર રહો. એવો ખોરાક ડાયેટમાં સામેલ કરો જે વિટામિન ડીથી ભરપૂર હોય. સ્કિનની સાથે-સાથે નાકની સફાઈનું પણ એટલું જ ધ્યાન રાખો. વારંવાર નાક સાફ કરવાનો પ્રયાસ ન કરો.

from Page Array – I Am Gujarat http://bit.ly/2JDGvNa