ગજબઃ પત્ની અને પ્રેમિકા બંને દુલ્હન બની મંડપમાં બેઠી અને પછી…

એક જ માંડવે પ્રેમિકા અને પત્ની સાથે ફરી કર્યા લગ્ન

રાયપુરઃ છત્તિસગઢના જશપુર જિલ્લામાં એક વિચિત્ર લગ્ન જોવા મળ્યા. જ્યાં લગ્ન મંડપમાં એક દુલ્હા સાથે બે દુલ્હને વિધિવત લગ્ન કર્યા. જેમાં એક તો તેની પહેલી પત્ની છે તો એક યુવકની પ્રેમિકા છે. મીડિયા રિપોર્ટ મુજબ CRPFના જવાન અનિલના લગ્ન ચાર વર્ષ પહેલા ગામની જ એક યુવતિ સાથે થયા હતા. જોકે પાછળથી અનિલને ગામની આંગણવાડી કાર્યકર્તા સાથે પ્રેમ થઈ ગયો હતો. આ દરમિયાન જવાનનું પોસ્ટિંગ વારાણસીમાં હતું જ્યાંથી તે છુટ્ટીના સમયે ગામ આવતો હતો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પતિ ઘરે આવ્યો પછી પત્નીને ખબર પડી પ્રેમપ્રકરણની

પોતાના પતિના અન્ય મહિલા સાથે પ્રેમ સંબંધની વાત જ્યારે પત્નીને ખબર પડી તો તેણે બંનેને સાથે રહેવા માટે મંજૂરી આપી દીધી જે બાદ પરિવાર અને સમાજની બેઠક પણ મળી. સમાજની બેઠકમાં પણ અનિલની પત્નીએ પોતાના પતિ અને યુવતિના સંબંધ અંગે પોતાને કોઈ આપત્તિ ન હોવાનું જણાવ્યું હતું. જે બાદ અનિલ અને તેની પત્ની પ્રેમિકાના લગ્નનો રસ્તો ખુલી ગયો. જોકે અનિલે હજુ સુધી પોતાની પહેલી પત્નીને પણ છૂટાછેડા નથી આપ્યા. તેણે બંને સાથે એક જ મંડપ નીચે લગ્ન કર્યા.

પત્ની અને પ્રેમિકા બંને દુલ્હન બની

પારિવારિક મંજૂરી અને સામાજિક રિત-રિવાજ સાથે અનિલે એક જ મંડપ નીચે બંને સાથે લગ્ન કર્યા. કહેવાય છે કે પહેલી પત્નીથી અનિલને કોઈ સંતાન નથી. તે પણ અનિલના બીજા લગ્નનું કારણ બન્યું છે. આ માટે જ પરિવારના સભ્યો પણ બીજી દુલ્હન માટે તૈયાર થઈ ગયા હતા. તો ગત વર્ષે અનિલના નાના ભાઈના લગ્ન હતા પરંતુ લગ્નના એક દિવસ પહેલા જ તેના ભાઈએ ગળે ફાંસો ખાઈને આત્મહત્યા કરી લીધી હતી. ત્યારે આ સ્થિતિમાં પરિવારમાં અનિલ એકમાત્ર બચ્યો છે.

જોકે હવે જ CRPFના આ જવાન સામે આવી નવી મુશ્કેલી

અનિલના ગામમાં આ લગ્નમાં બધા સામેલ થયા અને લગ્નોત્સવ પણ ખૂબ ધામધૂમથી ઉજવાયો પરંતુ આ બધા વચ્ચે અનિલ પોતાની નોકરી ગુમાવી શકે તેવું કામ કરી બેઠો છે. હિંદૂ મેરેજ એક્ટ અનુસાર આ લગ્ન ગેરકાયદેસર ગણાય છે. જાણકારો મુજબ હિંદૂ મેરેજ એક્ટ અંતર્ગત કોઈપણ વ્યક્તિ પહેલી પત્ની સાથે હોય ત્યારે બીજા લગ્ન કરી શકતો નથી. આ માટે પહેલી પત્નીને છૂટાછેડા આપવા પડે છે.

from Page Array – I Am Gujarat http://bit.ly/2LYy68W