લોકસભા ચૂંટણીના અંતિમ બે તબક્ક માટે પ્રચાર કરતા વડા પ્રધાન નરેન્દ્ર મોદીએ તા. 8ના બુધવારે હરિયાણા રાજ્યના ફતેહાબાદમાં એક ચૂંટણી રેલીને સંબોધી હતી. આ દરમિયાન રોબર્ટ વાડ્રાનું નામ લીધા વગર નિશાન સાધતા કહ્યું હતું કે, ખેડૂતોને લૂંટનારાઓને આ ચોકીદાર કોર્ટ સુધી લઈ ગયા છે. હવે તેઓ જામીમ માટે કોર્ટના ધક્કા ખાય છે. ઈડીની કચેરીના ફેરા કરી રહ્યા છે. તેમને જેલના દરવાજા સુધી લઈ ગયો છું, આવનારા પાંચ વર્ષમાં અંદર પણ પૂરી દઈશ. આ દરમિયાન પીએમ મોદીએ ઉમેર્યું કે, શીખ રમખાણમાં જેના પર સવાલ ઊઠ્યા હતા તેમને મધ્ય પ્રદેશના સીએમ બનાવીને કોંગ્રેસે સ્પષ્ટ કરી દીધું છે કે, તેમને પ્રજાની લાગણીની કોઈ કદર નથી.
ન્યાય મળ્યો નથી
વર્ષ 1984માં દિલ્હી, પંજાબ, હરિયાણા સહિત દેશના જુદા જુદા ભાગમાં જ્યારે હજારો શીખ પરિવારની કોંગ્રેસ પરિવાર અને તેમના દરબારીઓએ એક જ ઈશારે હત્યા કરી નાંખી હતી. 34 વર્ષ સુધી ડઝન આયોગ બન્યા પણ શીખ સમુદાયને કોઈ ન્યાય મળ્યો નથી. આ ચોકીદારને શીખ સમુદાયે ન્યાય અપાવવાનો વાયદો કર્યો હતો. મને સંતોષ છે કે, શીખ સમુદાયના એ ગુનેગારોને સજા મળવાની શરુ થઈ ચૂકી છે. મધ્ય પ્રદેશના મુખ્યમંત્રી પર ટોણો મારતા મોદીએ ઉમેર્યું કે, કોંગ્રેસ સરકારને લોકોની સંવેદનાઓ સાથે કોઈ લેવા દેવા નથી. રમખાણના મુદ્દે જેના પર સવાલ થતા હતા તે મધ્ય પ્રદેશના સીએમ પદ પર છે.
શહેનશાહ મુંઝાયા છે
મોદીએ રોબર્ટ વાડ્રાનું નામ લીધા વગર શાબ્દિક પ્રહાર કર્યા હતા. ખેડૂતોને લૂંટનારાઓને કોર્ટના દ્વાર સુધી પહોંચાડી દીધા છે. હવે તેઓ જામીન માટે ઈડી અને કોર્ટના ધક્કા ખાઈ રહ્યા છે. એ વિચારતા હતા કે, તેઓ શહેનશાહ છે પણ હવે તેઓ મુંઝાઈ ગયા છે. તમે આશીર્વાદ આપો આવનારા પાંચ વર્ષમાં એમને હું જેલની અંદર ધકેલી દઈશ. કોંગ્રેસે ભ્રષ્ટાચારની ખેતી કરી છે. જેના પુરાવાઓ હરિયાણા સહિત અનેક જગ્યાઓએ છે.
12મી મેએ છઠ્ઠા તબક્કાનું મતદાન
હરિયાણામાં 12મી મે ના રોજ લોકસભા ચૂંટણીનું છઠ્ઠા તબક્કાનું મતદાન થશે. જેમાં 10 લોકસભા સીટ પર ઉમેદવારોનું ભાવિ પ્રજા નક્કી કરશે. મોદીએ ઉમેર્યું હતું કે, કોંગ્રેસના લોકો મને પ્રેમના નામે ગાળો આપે છે. તેમના પ્રેમની ડિક્શનરીમાં મારા માટે અનેક પ્રકારની ગાળ છે. કોંગ્રેસે મને મોતનો સોદાગર કહ્યો છે. આ એમના પ્રેમનું એક નાનકડું ઉદાહરણ છે. ગાળો દેવામાં તેઓ મર્યાદા ભૂલી ગયા છે.
from Page Array – I Am Gujarat http://bit.ly/2WwklPq
No comments:
Post a Comment