આ દેવીના મંદિરે ભક્તો ચંપલ ચઢાવવા માટે આવે છે, મુસ્લિમ પૂજારી કરે છે આરતી

અનોખી માનતા

દેશમાં અનેક ધર્મ અને તેના સંપ્રદાયો છે. જેમની માન્યતાઓ પણ જુદી જુદી છે, રિવાજો પણ અનોખા છે, ઉજવણઈ પણ અલગ છે અને તેમના જે તે દેવતાઓની પૂજાવિધિ પણ એકબીજાથી અસામાન્ય છે. હિન્દુ મંદિરમાં ભક્તો દેવી-દેવતાઓને પ્રસાદ ધરે છે અને માનતા અનુસાર વિધી કરે છે. આપણા દેશમાં એક એવું મંદિર પણ આવેલું છે, જ્યાં ચંપલ ચડાવવામાં આવે છે. જો કે, આ વાત ઝડપથી માન્યમાં આવે એમ નથી. કારણ કે, જે મંદિરમાં ચંપલ બાહર ઊતારીને જવાનું હોય ત્યાં ચંપલ કેવી રીતે ચડાવી શકાય? પણ આ વાત સાચી છે. કર્ણાટકમાં આવેલું આ લકમ્મા દેવીનું મંદિર ચંપલ ધરવાને લઈને જાણીતું છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ચંપલની માળા

કર્ણાટકના ગુલબર્ગ જિલ્લામાં આવેલા આ મંદિરની ખાસ વાત એ છે કે, અહીં શ્રદ્ધાળુઓ દેવી માને ચુંદડી, શૃંગાર અથવા ફૂલ જ નહીં, ચંપલની માળા બનાવીને પણ પહેરાવે છે. અહીં વર્ષમાં એક વખત ફૂટવેર ફેસ્ટિવલનું પણ આયોજન કરવામાં આવે છે. જેમાં દેશ વિદેશથી લોકો આ અનોખી પરંપરાને જોવા-માણવા માટે આવે છે. સામાન્ય રીતે મંદિરનો પ્રસાદ વેજ જ હોય છે. દરેક હિન્દુ મંદિરના પ્રસાદમાં ક્યારેય નોનવેજનો ઉપયોગ થયો નથી.

નોનવેજનો રાજભોગ

આ મંદિરમાં સૌથી ચોંકાવનારી વાત એ છે કે, અહીં શાકાહારી ભોગની સાથોસાથ માંસાહારી ભોગ પણ ધરવામાં આવે છે. મંદિરે આવતે શ્રદ્ધાળુંઓ કહે છે કે, અહીં ચંપલ ચઢાવવાથી નકારાત્મક શક્તિઓ સામે રક્ષણ મળે છે. મંદિરની સામે એક ઝાડ છે જ્યાં લોકો ચંપલની માળા બાંધવા માટે જાય છે અને મનોકામના પૂર્તિ માટે લોકો પ્રાર્થના કરે છે. અહીં અનેક લોકો પોતાની મનોકામનાપૂર્તિ માટે અહીં આવે છે. કામ થઈ જાય ત્યારે અહીં ચંપલનો હાર ચડાવી જાય છે.

મુસ્લિમ છે પૂજારી

સૌથી ખાસ વાત એ છે કે આ એક હિન્દુ મંદિર છે પણ પૂજારી મુસ્લિમ છે. એટલે અહીં માત્ર હિન્દુઓ જ નહીં મુસ્લિમો પણ દેવી માને શિશ નમાવવા માટે આવે છે. આ મંદિર હિન્દુ અને મુસ્લિમોની આસ્થાનું કેન્દ્ર છે. આ મંદિર વર્ષો જૂનું છે. અહીં દેવીની પીઠની પૂજા કરવામાં આવે છે, માતાનું મુખ નીચે ધરતીમાં હોવાનું માનવામાં આવે છે. અહીં દર્શન કરવાથી કાયમ માટે પગ અને ઘૂંટણના દર્દમાંથી છૂટકારો મળે છે.

 

from Dharma Adhyatma News in Gujarati: Latest Dharma Adhyatma News, Read Breaking Dharma Adhyatma News on Iamgujarat.com – Page Array – I Am Gujarat http://bit.ly/2DUOQHw