વરસાદની સિઝન વખતે કારમાં પહેલા કરો આ કામ, અન્યથા થશે નુકસાન

ચોમાસા માટે કાર ટિપ્સ

વરસાદની સિઝનમાં જેમ આપણે આપણું ધ્યાન રાખીએ છીએ એટલું ધ્યાન કારનું રાખવું પડે છે. અન્યથા મોટું નુકસાન વેઠવું પડે છે. કારણ કે, કારમાં કીચડ, પાણી અને ગંદકી કારને ડેમેજ કરી દે છે. આ ઉપરાંત સેફ ડ્રાઈવ માટે કાર વ્યવસ્થિ હોવી અનિવાર્ય છે. વરસાદની સિઝન હવે શરુ થવાની છે ત્યારે એવામાં વરસાદ પહેલા કારની સર્વિસ કરાવીને વ્યવસ્થિત રાખી શકાય છે. ચોમાસામાં ડ્રાઈવિંગ કરવામાં પણ મુશ્કેલીઓ પડે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પાણીમાં કાર બંધ થઈ જાય તો

ઘણી વખત વરસાદમાં એવી જગ્યાએ કાર પસાર કરવી પડે જ્યાં પાણી ટાયરની ઉપર જતુ રહે છે. નિષ્ણાંતો કહે છે. આવી જગ્યાએથી કાર ન કાઢવી જોઈએ. બને ત્યાં સુધી આવી જગ્યાએ કાર લઈને ન જવું જોઈએ. જવું જ પડે એમ હોય તો આવા સ્થાનેથી ધીમે ધીમે કાર પસાર કરવી જોઈએ. ગાડી સ્પીડમાં હશે તો પાણી ઉડશે જે કારના ઈલેક્ટ્રિક પાર્ટમાં જતા ડેમેજ થશે. આ ઉપરાંત જો પાણીમાં કાર બંધ થઈ જાય તો વારંવાર સ્ટાર્ટ કરવાનો પ્રયત્ન કરતા. સાઈડમાં સુરક્ષિત જગ્યાએ પાર્ક કરીને કોઈ સર્વિસ વાળાની મદદ લો

ઈન્ડિકેટર્સનું ધ્યાન રાખો

કારમાં બેટરીથી લઈને ઓઈલ સુધી ડેશબોર્ડ અથવા ઈન્સટ્રુમેન્ટ ક્લસ્ટરમાં ઈન્ડિકેટ લાઈટ્સ હોય છે. ચોમાસાની સિઝનમાં કોઈ વસ્તુ કામ ન કરે તો તે બળી ગયેલી હોય છે. જેના પર વિશેષ ધ્યાન આપવાની જરુર છે. જો ઓઈલ પ્રેશર યોગ્ય નહીં હોય તો ઓઈલ લાઈટ થાય તો કાર ન ચલાવી જોઈએ. બેટરી કે બીજું કોઈ ઈન્ડિકેશન મળે તો પણ આમ જ કરી શકાય.વરસાદની સિઝનમાં થોડી રેસ કરીને ગાડી સ્ટાર્ટ કરવી જોઈએ જેથી પાઈપમાં પાણી કે મોશ્ચર ન રહે.

આ વાતનું ધ્યાન રાખજો

વરસાદની સિઝનમાં વાઈપરની ખૂબ જ જરુર પડે છે. ચોમાસામાં ગાડી શરુ કરતા પહેલા વાઈપર બ્લેડ ખાસ ચેક કરવી જોઈએ. આ ઉપરાંત સ્પેર વ્હીલને પણ ચેક કરી લેવું જોઈએ. જેથી રસ્તામાં પંચર પડે તો સ્પેર વ્હીલ કામ આવી શકે. ખાસ ધ્યાન એ રાખવું જોઈએ કે, કિચડ કારમાં ન રહે. કારણ કે ભેજના કારણે કારને નુકસાન થાય છે. આ ઉપરાંત કારને એન્ટિ રસ્ટ કોટિંગ પણ કરાવી શકાય છે. આ ઉપરાંત મોબાઈલમાં વર્કશોપવાળાનો નંબર ખાસ રાખવો જોઈએ. આજે દરેક કંપનીઓ ઓનલાઈન આસિસ્ટની સુવિધા પૂરી પાડે છે. આ ઉપરાંત ભીના પગે કાર ડ્રાઈવ ન કરે. પેડલ સ્લીપ થઈ શકે છે.

રસ્તા ભીના હોય ત્યારે ધીમી ચલાવવી

જ્યારે રસ્તા ભીના હોય ત્યારે ગાડી ધીમે ચલાવવી જોઈએ. કારણ કે બ્રેક માર્યા બાદ ગાડી ઝડપથી રોકાતી નથી. આ ઉપરાંત બ્રેક પણ ધીમેથી મારવી જોઈએ. ગેર બદલાવતી સમયે કલ્ચને આરામથી ઊપાડવો જોઈએ અને બને ત્યાં સુધી વધારે લીવર ન દેવું જોઈએ. આ ઉપરાંત હેડલાઈટનો ખાસ ઉપયોગ કરવો જોઈએ. બને ત્યાં સુધી હેડલાઈટ લો રાખવી જોઈએ. જેથી સામેથી આવતા લોકોને ખ્યાલ આવી શકે. આ ઉપરાંત કારની હેડલાઈટ ખાસ ચેક કરવી જોઈએ.

 

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2Ev0Dgc