મુંબઈ:પેમેન્ટ કંપની પેટીએમે સિટી બેન્ક સાથે મળીને ભારતમાં તેનો ક્રેડિટ કાર્ડ બિઝનેસ શરૂ કર્યો છે. અલીબાબાને ટેકો ધરાવતી પેટીએમ પૂર્ણ કક્ષાની ફાઇનાન્શિયલ સર્વિસ જૂથ બનવાની દિશામાં છે. તેની પાર્ટનરશિપના નિયમો પ્રમાણે કાર્ડ ઇશ્યૂઅન્સ અને અંડરરાઇટિંગનું કામ સિટી બેન્ક દ્વારા કરવામાં આવશે જ્યારે ડિજિટલ ઇન્ટરફેસ અને વિતરણ સર્વિસ પેટીએમ દ્વારા પૂરી પાડવામાં આવશે.
આ ક્રેડિટ કાર્ડ તમામ ટ્રાન્ઝેક્શન પર ઓછામાં ઓછા એક ટકાના યુનિવર્સલ કેશબેકની ઓફર કરે છે. દર મહિને આ કેશબેક ઓટોમેટિક પ્રાપ્ત થશે. તેના સ્થાપક વિજય શેખર શર્માએ જણાવ્યું કે ઇન્શ્યોરન્સ બિઝનેસમાં સાહસ પેમેન્ટ સ્ટાર્ટ અપ માટે આગામી મોટું પગલું હશે. છેલ્લા ત્રણ વર્ષમાં તે ભારતમાં પેમેન્ટ ક્ષેત્રમાં અગ્રેસર છે.
પેટીએમે ચાલુ વર્ષમાં ઇરડા પાસેથી લાઇફ તેમ જ જનરલ ઇન્શ્યોરન્સના લાઇસન્સ મેળવ્યા છે. પરંતુ શર્માએ જણાવ્યું કે નવી એન્ટીટી કોર ઇન્શ્યોરન્સ કંપનીના બદલે ઇન્શ્યોરન્સ બ્રોકરેજ સર્વિસ તરીકે કામ કરશે. શર્માએ જણાવ્યું હતું કે, “અમે કેટલીક વીમા કંપનીઓ સાથે ભાગીદારી કરી હતી અને અમુક પ્રોડક્ટ શરૂ કરી હતી. અમે તેને હવે વિસ્તારવા માંગીએ છીએ.”
વૈશ્વિક ક્રેડિટ કાર્ડ ધિરાણકાર સિટીબેન્ક સાથે તેની હિસ્સેદારી દર્શાવે છે કે પેમેન્ટ કંપની ઓલ-રાઉન્ડ ફાઉનાન્શિયલ જૂથ બનવા માંગે છે. નવા ક્રેડિટ કાર્ડ માટે પેટીએમના ગ્રાહકો તેના એપ દ્વારા પણ અરજી કરી શકે છે. તેની મોબાઇલ એપ્લિકેશનના ગ્રાહકોની સંખ્યા 30 કરોડ જેટલી છે અને તેમાંથી અડધા ગ્રાહકો સક્રિય છે તેથી સ્ટાર્ટ અપે સફળ રીતે મોબાઈલ વોલેટ અને યુપીઆઇ માર્કેટ શેરમાં પ્રભાવ જમાવ્યો છે.
નવેમ્બર 2017માં પેટીએમ પેમેન્ટ્સ બેન્ક લોન્ચ કરવામાં આવી હતી અને તે ચાર કરોડથી વધારે આઉટસ્ટેન્ડિંગ ડેબિટ કાર્ડ ધરાવે છે. આ ઉપરાંત અન્ય પેટાકંપની પેટીએમ મનીએ સેબી પાસેથી એપ્રિલમાં સ્ટોક બ્રોકિંગનું લાઇસન્સ મેળવ્યું હતું. પરિણામે ગ્રાહકો યુપીઆઇનો ઉપયોગ કરીને મ્યુચ્યુઅલ ફંડ્સમાં રોકાણ કરી શકે છે.
from Page Array – I Am Gujarat http://bit.ly/2LQ2VML
No comments:
Post a Comment