પપૈયાની તો ખબર હશે પણ પ્રેગનેન્સીમાં આ ફ્રૂટ્સ પણ ન ખાવા જોઈએ

પ્રેગનેન્સીમાં ખાવા-પીવાની કાળજીઃ

પ્રેગનેન્સી એક એવો ગાળો છે જેમાં સ્ત્રી પોતાના સ્વાસ્થ્યનું ખૂબ જ ધ્યાન રાખે છે. આ ગાળામાં સ્ત્રીઓને શક્ય તેટલા વધુ ફ્રૂટ્સ ખાવાની સલાહ આપવામાં આવે છે. પરંતુ શું તમે જાણો છો કે પ્રેગનેન્સીમાં અમુક ફ્રૂટ્સ ખાવાથી ફાયદા કરતા નુકસાન વધારે થાય છે? તો જાણી લો એવા ફ્રૂટ્સ વિષે જે તમારે પ્રેગનેન્સીમાં એવોઈડ કરવા જોઈએ. બીજું, પ્રેગનેન્સીમાં ક્યારેય ધોયા વિના ફ્રૂટ્સ ન ખાવા જોઈએ કારણ કે તેમાં પેસ્ટિસાઈડ્સ હોવાની શક્યતા છે. જમીનમાં ટોક્સોપ્લાસ્મા નામનું જંતુ હોય છે, જે પ્રાણીઓના મળમાં પણ ઉપસ્થિત હોય છે. તે ભારે નુકસાનકર્તા હોવાથી પ્રેગનેન્સી દરમિયાન ખાસ ફ્રૂટ્સ ધોઈને જ ખાવા જોઈએ.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

અનાનસઃ

પ્રેગનેન્ટ સ્ત્રીઓને અનાનસ ન ખાવાની સલાહ અપાય છે. તેમાં બ્રોમેલિન નામનું તત્વ વધુ પ્રમાણમાં હોય છે. તે સર્વિક્સને નબળુ પાડી દે છે અને ગર્ભાશયમાં કોન્ટ્રેક્શન વધારી શકે છે. તેને કારણે બાળક સમય કરતા વહેલું આવી જવાની શક્યતા વધી જાય છે. અનાનસ વધુ માત્રામાં ખાવાથી ડિહાઈડ્રેશન અને ડાયેરિયા થઈ શકે છે.

દ્રાક્ષઃ

દ્રાક્ષ પોષણની દૃષ્ટિએ ખૂબ જ સારુ ફ્રૂટ છે પરંતુ ગર્ભવતી સ્ત્રીઓએ તે ખાતા પહેલા વિચારવું જોઈએ. દ્રાક્ષની છાલમાં રિસવેરાટ્રોલ નામનું તત્વ રહેલુ હોય છે જે ઝેરી અને ટોક્સિક હોય છે. ગર્ભવતી સ્ત્રીઓ માટે આ તત્વ હાનિકારક સાબિત થઈ શકે છે. વળી ગર્ભવતીઓની પાચનશક્તિ નબળી પડી જાય છે, કાળી દ્રાક્ષ પચાવવામાં પણ મુશ્કેલ હોય છે.

પપૈયુઃ

કાચા પપૈયાને કારણે મિસકેરેજ પણ થઈ શકે છે. પપૈયામાં લેટેક્સ હોય છે જે ગર્ભાશયના કોન્ટ્રેક્શન વધારી દે છે જે હાનિકારક સાબિત થઈ શકે છે. કબજિયાતની સમસ્યા માટે પપૈયુ અસરકારક ઉપચાર છે પરંતુ વધુ માત્રામાં ખાવામાં આવે તો તેને કારણે આંતરડાની મૂવમેન્ટ વધી જાય છે જેનું પ્રેશર ગર્ભાશય પર આવે છે.

તરબૂચઃ

તરબૂચમાં રહેલા પાણીને કારણે શરીર હાઈડ્રેટેડ રહે છે. તે શરીરમાંથી નુકસાનકારક ટોક્સિન્સ ખેંચી કાઢે છે પરંતુ આ પ્રક્રિયામાં ગર્ભનું બાળક ટોક્સિન્સના સંપર્કમાં આવે છે જે બાળક માટે ફાયદાકારક નથી. વધુ માત્રામાં આ ફ્રૂટ ખાવાથી બ્લડ શુગર લેવલ પણ વધી શકે છે અને ગર્ભવતી સ્ત્રીને જેસ્ટેશનલ ડાયાબિટીસની સમસ્યા થઈ શકે છે.

પીચઃ

પીચ પણ એક એવું ફ્રૂટ છે જે ગર્ભવતી મહિલાઓએ ખાવાનું ટાળવું જોઈએ. વધુ માત્રામાં પીચ ખાવાથી શરીરમાં ગરમાવો જન્મે છે જેને કારણે આંતરિક બ્લીડીંગ કે મિસ કેરેજ થઈ શકે છે. જો ખાવું જ હોય તો તેને છોલીને ખૂબ જ ઓછી માત્રામાં ખાવું જોઈએ.

from Page Array – I Am Gujarat http://bit.ly/2VuMZUV