બ્લેકહેડ્સથી છુટકારો મેળવવા માટે અજમાવી જુઓ આ સરળ ઘરેલુ ઉપચાર

બ્લેકહેડ્સ શું છે?

બ્લેકહેડ્સ નાના-નાના દાણા જેવા દેખાય છે. સામાન્ય રીતે તે ખીલ જેવા હોય છે. પરંતુ ઓક્સિડાઈઝ્ડ થવાને કારણે તેની સપાટી કાળી થઈ જાય છે અને તે બ્લેકહેડ્સ બની જાય છે. બ્લેકહેડ્સ નાક, કપાળ, ખભા અને દાઢી પર થાય છે. જો તેને હટાવવામાં ન આવે તો તેનાથી સ્કિનને નુકસાન થાય છે સાથે જ લૂક પણ બગાડે છે. કેટલાક ઘરેલુ ઉપચારથી પણ આ તકલીફથી તમે સરળતાથી છુટકારો મેળવી શકો છો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

બેકિંગ સોડા

બે ચમચી બેકિંગ સોડા લો અને તેને પાણી સાથે મિક્સ કરી લો. બે મિનિટ સુધી તેને એમ જ રહેવા દો અને પછી તેને બ્લેકહેડ્સવાળા ભાગ પર લગાવી દો. તે સુકાઈ જાય એટલે તેને રબ કરી ચહેરો ધોઈ નાંખો. અઠવાડિયામાં બેવાર આ પ્રક્રિયા કરવાથી બ્લેકહેડ્સથી છુટકારો મળશે.

તજ

એક ચમચી તજ પાઉડરની સાથે એક ચમચી લીંબૂનો રસ અને ચપટી હળદર મિક્સ કરી લો. તમે ઈચ્છો તો તેમા ગુલાબજળ પણ મિક્સ કરી શકો છો. તેને બ્લેકહેડ્સવાળા ભાગ પર 15 મિનિટ માટે લગાવી રાખો ત્યારબાદ તેને રબ કરી પાણીથી તે ભાગ ધોઈ નાંખો. 10 દિવસે એકવાર આમ કરવાથી પરિણામ મળશે.

ઓટમીલ

એક બાઉલમાં ઓટમીલ લો અને તેમાં એક ચમચી મધ અને ચાર ચમચી ટામેટાંનો જ્યૂસ ઉમેરી મિક્સ કરી લો. આ પેસ્ટને બ્લેકહેડ્સવાળા ભાગ પર સ્ક્રબ કરી 10 મિનિટ માટે રહેવા દો. તે સૂકાઈ એટલે ગરમ પાણીથી ચહેરો ઘોઈ લો.

લીંબૂ અને મધ

લીંબૂના રસને નેચરલ બ્લીચ ગણવામાં આવે છે. એક બાઉલમાં લીંબૂના રસની સાથે મધ મિક્સ કરો અને તેમાં અડધી ચમચી ખાંડ ઉમેરો. આ મિશ્રણને બ્લેકહેડ્સવાળા ભાગ પર ધીમે-ધીમે સ્ક્રબ કરો અને ચહેરાને ગરમ પાણીથી ઘોઈ લો.

ગ્રીન ટી

સ્વાસ્થ્ય માટે સારી ગણાતી ગ્રીન ટી બ્લેકહેડ્સ દૂર કરવામાં પણ મદદ કરે છે. એક ચમચી સૂકી ગ્રીન ટીની પત્તીઓને પાણીમાં ઉમેરો અને આ પેસ્ટને બ્લેકહેડ્સવાળા ભાગ પર લગાવો. તેને હળવા હાથેથી સ્ક્રબ કરી ધોઈ લો. આમ કરવાથી પોર્સને ઓપન કરવામાં મદદ મળશે.

મધ

ચહેરાને પહેલા ગરમ પાણીથી ધોઈ લો અને બાદમાં ચહેરા પર મધ લગાવી તેને સૂકાવા દો. 15 મિનિટ બાદ ચહેરો ધોઈ લો અને ત્યારબાદ બરફને ચહેરા પર લગાવો. આમ કરવાથી પોર્સ બંધ થઈ જશે.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2VOp4PB