પિતા સલીમ ખાનનો ચોંકાવનારો ખુલાસો: આ કારણથી નથી થઈ રહ્યા ભાઈજાનના લગ્ન

ફિલ્મોમાં વ્યસ્ત છે ભાઈજાન

બોલિવુડનો દબંગ ખાન, સલમાન ખાન 53 વર્ષનો થઈ ગયો છે. આ ઉંમરમાં પણ તે એક બાદ એક હિટ ફિલ્મો આપી રહ્યો છે. આવતા મહિને ઈદના દિવસે તેની ફિલ્મ ‘ભારત’ રિલીઝ થવાની છે, જેમાં તેની ઓપોઝિટમાં કેટરીના કૈફ જોવા મળશે. તો બીજી તરફ હાલ તે દબંગ સીરીઝની ત્રીજી ફિલ્મના શૂટિંગમાં વ્યસ્ત છે, જેમાં તેની ઓપોઝિટમાં સોનાક્ષી સિન્હા જોવા મળશે.

સલમાન ક્યારે લગ્ન કરશે?

સલમાનના ફેન્સ જેટલી રાહ તેની ફિલ્મને લઈને જુએ છે, તેટલી જ રાહ તેમને તેના લગ્નને લઈને પણ છે. ઘરનો કોઈ સભ્ય પણ જણાવી શકતું નથી કે સલમાન ખાન ક્યારે ઘોડીએ ચડશે. સલમાન ખાન પાસે પણ તેનો જવાબ નથી. ઈન્ટરવ્યૂ દરમિયાન પણ તે સવાલોનો ગોળ-ગોળ જવાબ આપી બચી જાય છે. હવે તેના પિતા સલીમ ખાને જણાવ્યું કે કેમ તેના લગ્ન નથી થઈ રહ્યા.

પિતાએ કર્યો ચોંકાવનારો ખુલાસો

સલીમ ખાને સલમાન ખાનના લગ્નને લઈને ઈન્ટરવ્યૂમાં એક એવી વાત કરી છે, જેના વિશે સાંભળીને દરેક કોઈ હેરાન રહી જાય. તેના પિતાનું કહેવું છે કે સલમાન ખાન જ્યારે પણ કોઈ રિલેશનશિપમાં રહે છે તો શરુઆતમાં બધુ સારુ હોય છે. પરંતુ થોડા દિવસ બાદ મામલો ખરાબ થઈ જાય છે. સલમાન ખાન તે છોકરીમાં પોતાની માતાની ઝલક જોવા લાગે છે અને ત્યાંથી જ સ્થિતિ ખરાબ થઈ જાય છે.

‘પરિવારને પણ નથી આપતો સમય’

સલીમ ખાને આગળ જણાવ્યું કે તે હજુ પણ પોતાની ફિલ્મોને લઈને એટલો વ્યસ્ત છે કે તેની પાસે પરિવાર સાથે સમય પસાર કરવા માટે પણ સમય નથી. તેવામાં તે લગ્ન ક્યારે કરશે તેના વિશે કંઈ કહી શકાય નહીં. સલમાનના ફેન્સ પણ ઈચ્છે છે કે ભાઈજાન જલ્દી વરરાજા બને.

from Page Array – I Am Gujarat http://bit.ly/2J6wgAs