CSKvMI ફાઈનલઃ ધોની રન આઉટ હતો કે નહીં? વિવાદ વચ્ચે માહી ફેન્સને લાગ્યો ઝટકો

IPL ફાઈનલમાં ધોનીને અન્યાય?

હૈદરાબાદઃ ચેન્નઈ સુપરકિંગ્સના કેપ્ટન મહેન્દ્ર સિંહ ધોનીનો રવિવારે વિવાદીત રનઆઉટ આઈપીએલ 2019 ફાઈનલ મેચમાં ચર્ચાનો વિષય રહ્યો. મુંબઈ ઈન્ડિયન્સ અને ચેન્નઈ સુપરકિંગ્સ વચ્ચે હૈદરાબાદમાં રમાયેલી મેચમાં ધોનીને ટીવી અમ્પાયર નાઈજેલ લોન્જે રનઆઉટ આપ્યો. જોકે રિપ્લેમાં સ્પષ્ટ નહોતું થઈ રહ્યું કે તે આઉટ છે કે નહી. આમ તો ક્રિકેટના નિયમોને ધ્યાનથી જોઈએ તો શંકાની સ્થિતિમાં નિર્ણય બેટ્સમેનના પક્ષમાં જાય છે. પરંતુ રવિવારે આ નિર્ણય ધોનીના પક્ષમાં તે પરંતુ તેની વિરુદ્ધમાં લેવાયો.

ઓવર થ્રોમાં રન દોડવો ધોનીને ભારે પડ્યો

ચેન્નઈ સુપરકિંગ્સની ટીમ 150 રનના લક્ષ્યનો પીછો કરી રહી હતી. મુંબઈ ઈન્ડિયન્સે બેટ્સમેન સુરેશ રૈના અને અંબાતી રાયડુને જલ્દી આઉટ કરીને ચેન્નઈ પર પ્રેસર વધાર્યું હતું. જ્યારે ધોની બેટિંગ માટે આવ્યો ત્યારે મુકાબલો બરાબરી પર હતો. તે સમયે સીએસકેનો સ્કોર 73/3 હતો. હાર્દિક પંડ્યા ઈનિંગની 13મી ઓવર કરી રહ્યો હતો. ચોથા બોલ પર શેન વોટસને શોર્ટ મારીને રન લેવા દોડી પડ્યો. એવામાં મલિંગાએ બોલ પકડીને થ્રો કર્યો પરંતુ તે લોંગ ઓફના ફીલ્ડર પાસે જતો રહ્યો. ઓવરથ્રો પર ધોનીએ રન લેવાનું નક્કી કર્યું, પરંતુ ઈશાન કિસનનો ડાઈરેક્ટ થ્રો સ્ટમ્પ પર આવ્યો અને મુંબઈએ રન આઉટની જોરદાર અપીલ કરી. મેદાન પરના અમ્પાયર નિર્ણય થર્ડ અમ્પાયરને રેફર કર્યો.

અમ્પાયરની શંકાનો ફાયદો ન મળ્યો

ટીવી અમ્પાયર ઘણીવાર રીપ્લે જોયો અને ઘણી કેમેરા એન્ગલ્સ જોઈ. ધોની ક્રીઝની અંદર પહોંચ્યો કે નહીં અમ્પાયર પણ વિચારમાં હતા. એવામાં મોટાભાગે બેટ્સમેનને ફાયદો મળતો જોવા મળે છે, પરંતુ ધોનીના મામલામાં આવું ન થયું. ઘણીવાર રિપ્લે જોયા બાદ અમ્પાયરે ફીલ્ડિંગ ટીમના પક્ષમાં નિર્ણય આપ્યો.

વિકેટ સાથે ટાઈટલ જીતવાનું સપનું રોળાયું

એવું પણ મનાઈ રહ્યું હતું કે શંકાની સ્થિતિનો લાભ ધોનીને આપવામાં આવશે અને તે બેટિંગ કરવાનું ચાલું રાખશે. પરંતુ થર્ડ અમ્પાયરના નિર્ણયે ધોનીના ફેન્સને હેરાન કરી દીધા. ઘણા લોકો માની રહ્યા છે કે ધોની સાથે અન્યાય થયો છે, તે રનઆઉટ નહોતો. પરિણામે સીએસકેની ટીમ આઈપીએલનું ચોથું ટાઈટલ જીતવાથી ચૂકી ગઈ.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2vVqY2k