Fact Check: શું રાહુલ ગાંધીને અમેઠીમાં માર પડ્યો? જાણો, શું છે હકીકત

દાવો

ફેસબુક યૂઝર ‘Nidhi Sharma’એ રાહુલ ગાંધીનો એક ફોટો અલગ-અલગ ગ્રૂપ્સમાં શેર કરતા લખ્યું કે, રાહુલ ગાંધીનું આજે અમેઠીમાં જોરદાર સ્વાગત થયું. જુઓ તેમની કેવી હાલત કરવામાં આવી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

જુઓ, ફોટોની આ પ્રકારે પોસ્ટ કરવામાં આવી છે

જે ફોટો શેર કરવામાં આવ્યો છે તેમાં રાહુલ ગાંધીની ડાબી આંખ ઈજાગ્રસ્ત જોવા મળી રહી છે. આ ફોટો જોતા સ્પષ્ટપણે એવું જણાઈ રહ્યું છે કે આ ફોટો દ્વારા તેવું દર્શાવવાના પ્રયાસ કરવામાં આવ્યા છે કે રાહુલ ગાંધીને ઉત્તરપ્રદેશના અમેઠી એટલે કે તેમના ચૂંટણી ક્ષેત્રમાં ખૂબ માર પડ્યો છે.

સત્ય શું છે?

રાહુલ ગાંધીને અમેઠીમાં માર પડ્યો એ પ્રકારે જે ફોટો શેર કરવામાં આવી રહ્યો છે તેની સાથે છેડછાડ કરવામાં આવી છે.

કેવી રીતે કરી તપાસ?

સરળતાથી રિવર્સ ઈમેજ સર્ચ દ્વારા તમને ગૂગલ રિઝલ્ટ્સમાં અસલી ફોટો જોવા મળશે. આ નકલી ફોટોના બેકગ્રાઉન્ડમાં કૈલાશ પર્વત જોવા મળી રહ્યો છે. કૈલાસ પર્વતનો આ ફોટો રાહુલ ગાંધીએ તેમના ઓફિશિયલ ટ્વિટર હેન્ડલ પરથી ગત વર્ષે ઓગસ્ટ મહિનામાં ટ્વિટ કર્યો હતો.

અહીં જુઓ ટ્વિટ

ॐ असतो मा सद्गमय।
तमसो मा ज्योतिर्गमय।
मृत्योर्मामृतम् गमय।
ॐ शान्ति: शान्ति: शान्ति: ॥ pic.twitter.com/hSSLfdwDjq

— Rahul Gandhi (@RahulGandhi) August 31, 2018

આ બંનેના ફોટોના બેકગ્રાઉન્ડમાં કૈલાશ માનસરોવરનો તે ફોટો હતો કે જે રાહુલ ગાંધીએ ટ્વિટ કર્યો હતો. રાહુલ ગાંધીનો ઈજાગ્રસ્ત આંખોવાળો જે ફોટો શેર કરવામાં આવી રહ્યો છે તે આ પૈકીનો જ એક ભાગ લાગી રહ્યો છે.

જાણો સત્ય શું છે?

સર્ચ રિઝલ્ટમાં અમને ઘણી વખત ખોટા ન્યૂઝ ફેલાઈ ચૂકેલી વેબસાઈટ પોસ્ટકાર્ડ ન્યૂઝનો એક આર્ટિકલ મળ્યો. આ આર્ટિકલમાં રાહુલ ગાંધી અને બીજેપી આઈટી સેલના પ્રમુખ અમિત માલવીયનો ફોટો હતો. નિધિ શર્માએ તારીખ 7 મેના રોજ ફેસબુક પોસ્ટ કરી હતી જ્યારે રાહુલ ગાંધી છેલ્લે 4 મેના રોજ અમેઠી ગયા હતા. 4 મે ચૂંટણી પ્રચારનો અંતિમ દિવસ હતો. 7 મેના રોજ રાહુલ ગાંધી પશ્ચિમ બંગાળના પુરુલિયામાં એક રેલીને સંબોધિત કરવા માટે પહોંચ્યા હતા.

તારણ

ટાઈમ્સ ફેક્ટ ચેકને જાણવા મળ્યું છે કે કોંગ્રેસ અધ્યક્ષ રાહુલ ગાંધીને તેમના લોકસભા ક્ષેત્ર અમેઠીમાં માર પડ્યો તે દાવો ખોટો છે. આ પ્રકારના ખોટા દાવા સાથે જે ફોટો શેર કરવામાં આવી રહ્યો છે તેમાં છેડછાડ કરવામાં આવી છે.

from Page Array – I Am Gujarat http://bit.ly/2HdcxvF