ક્રૂડમાં ઘટાડો અને મજબૂત FII ફ્લો બજાર માટે પોઝીટીવ બની શકે છે

69198966

વૈભવ શાહ, એમડી, મોનાર્ક નેટવર્થ કેપિટલ

ભારતીય શેરબજારમાં રેંજ બાઉન્ડ ટ્રેડિંગ પેટર્ન જોવા મળી રહી છે. જે લોકસભાની ચૂંટણીના પરિણામો સુધી જળવાય રહેવાની શક્યતા છે. વૈશ્વિક સ્તરે પણ કેલેન્ડરના શરૂઆતી ત્રણ મહિના જોવા મળેલો સુધારો અટક્યો છે અને બજારો હાલમાં ઘણા મુદ્દે સ્પષ્ટતાની શોધમાં છે. યુએસ ફેડ રિઝર્વે રેટમાં વૃદ્ધિ તો અટકાવી દીધી છે પરંતુ તેણે રેટમાં ઘટાડાની કોઈ શક્યતા નથી દર્શાવી. ભારતીય બજાર માટે રૂપેરી કોર સમાન બાબતોમાં ક્રૂડના ભાવમાં ઘટાડાની શરૂઆત અને મજબૂત એફઆઈઆઈ ફ્લો છે.

વિતેલા સપ્તાહે બ્રેન્ટ ક્રૂડ 75 ડોલર પ્રતિ બેરલની ટોચ પરથી ઘટીને 71ડોલર પર આવ્યું હતું. જેની પાછળ રૂપિયામાં મજબૂતી જોવા મળશે. વિતેલા સપ્તાહે બજારમાં શુક્રવારે આખરી ટ્રેડમાં જોવા મળેલી વેચવાલી સૂચવે છે કે બજાર દિશાહિન તબક્કામાંથી પસાર થઈ રહ્યું છે.

રોકાણકારો ઊંચા સ્તરે નવી ખરીદી ટાળી રહ્યાં છે. જોકે તેઓ વેચવાલીનો મત પણ નથી ધરાવતાં અને તેથી નિફ્ટીને 11800-11,850ના સ્તરે એક અવરોધ નડી રહ્યો છે જ્યારે 11,550-11,600ની રેંજમાં તેને સપોર્ટ મળી જાય છે. છેલ્લા સવા મહિનાથી બજાર આ રેંજમાં ટ્રેડ થઈ રહ્યું છે. મારા મતે બજાર એક પખવાડિયા સુધી 11,550-12000ની રેંજમાં ટ્રેડ દર્શાવે તેવી શક્યતા છે. અર્નિંગ્સ સિઝન પણ ચાલુ છે.

હેવીવેઈટ કંપનીઓના પરિણામો સારા જ રહ્યાં છે અને તેમના તરફથી બજારને પૂરતો સપોર્ટ છે. મીડ-કેપ્સમાં ખરીદારીનો અભાવ જોવા મળી રહ્યો છે. જે ચૂંટણીના પરિણામો બાદ જ જોવા મળે તેવી શક્યતા છે. જો બજારની અપેક્ષા મુજબ એનડીએ કમ્ફર્ટેબલ બહુમત સાથે સરકાર બનાવવામાં સફળ રહેશે તો મીડ-કેપ અને સ્મોલ-કેપ સેગમેન્ટમાં તેજીનો મજબૂત દોર શરૂ થઈ શકે છે.

હાલમાં લાર્જ-કેપ્સ અને મીડ-કેપ્સમાં વેલ્યૂએશન ગેપ છેલ્લા ઘણા વર્ષોની ટોચ પર છે એમ કહી શકાય. જે દૂર થવા માટે રોકાણકારોનું સેન્ટિમેન્ટ મજબૂત બને તે જરૂરી છે. એડીએજી જૂથની રિલાયન્સ કેપિટલની સબસિડિયરીને વીમા અને બેંકિંગ કંપનીના ધિરાણને લઈને જોવા મળી રહેલી ચિંતા બજાર માટે થોડી નેગેટિવિટી ઊભી કરી શકે છે.

ડીએચએફએલ બાદ ફરી એકવાર એનબીએફસીને લઈને બજારમાં ચિંતા ઊભી થઈ છે. રિલા. હોમ ફાઈનાન્સની એસેટ ક્વોલિટી કેવી છે તે વિશે બજાર હજુ અજાણ છે. આવી ઘટનાઓ અગાઉથી ચિંતિત બજારને માટે અવરોધક બની શકે છે.

અલબત્ત, બજારમાં તેને કારણે વેચવાલીની શક્યતા નહિવત જણાય છે. નવા સપ્તાહ માટે મને ટાટા મોટર્સ, ડીએલએફ પોઝીટીવ કાઉન્ટર્સ જણાય છે. આ સિવાય એસબીઆઈ અને આઈસીઆઈસીઆઈ બેંકમાં મોમેન્ટમ પોઝીટીવ જોવા મળી શકે છે. જોકે પરિણામો સુધી કોઈ મોટી પોઝીશન ટાળવાનું સૂચન છે.

from Page Array – I Am Gujarat http://bit.ly/2LnqQ68