નવી દિલ્હી:GST કલેક્શન એપ્રિલમાં ₹1.13 લાખ કરોડની સર્વોચ્ચ સપાટીએ પહોંચ્યું છે. નાણામંત્રાલયના જણાવ્યા અનુસાર માર્ચમાં GSTની આવક ₹1.06 લાખ કરોડ રહી હતી.
સત્તાવાર નિવેદન અનુસાર “એપ્રિલ 2019માં GSTની કુલ આવક ₹1,13,865 કરોડ રહી છે. જેમાં સેન્ટ્રલ GST ₹21,163 કરોડ, સ્ટેટ GST ₹28,801 કરોડ, ઇન્ટિગ્રેટેડ GST ₹5૪,733 કરોડ અને સેસ ₹9,168 કરોડ છે.”
એપ્રિલમાં GSTની આવક 2018-’19ના ₹98,11૪ કરોડના સરેરાશ માસિક કલેક્શન કરતાં 16 ટકા વધુ રહી છે. નિષ્ણાતોના જણાવ્યા અનુસાર વૃદ્ધિનો આંકડો GSTની આવકમાં સ્થિરતાનો સંકેત આપે છે. 30 એપ્રિલ સુધીમાં માર્ચ માટે સમરી સેલ્સ રિટર્ન GSTR-3Bની કુલ સંખ્યા 72.13 લાખ રહી છે. એપ્રિલ નાણાકીય વર્ષ 2019-’20નો પહેલો મહિનો છે. GSTનો અમલ શરૂ થયો ત્યારથી એપ્રિલ 2019ના કલેક્શનનો આંકડો સૌથી વધુ છે, જે એપ્રિલ 2018ની તુલનામાં 10.05 ટકાની વૃદ્ધિ દર્શાવે છે.
ગયા વર્ષે એપ્રિલમાં GST કલેક્શન ₹1,03,૪59 કરોડ હતું. સત્તાવાર નિવેદન અનુસાર “નિયમિત અને કામચલાઉ સેટલમેન્ટ પછી એપ્રિલ 2019માં કેન્દ્ર અને રાજ્ય સરકારોને CGST પેટે કુલ ₹૪7,533 કરોડ અને SGST પેટે ₹57,776 કરોડની આવક થઈ છે. સરકારે નિયમિત સેટલમેન્ટના ભાગરૂપે CGST પેટે ₹20,370 કરોડ અને SGST પેટે ₹15,975 કરોડનું સેટલમેન્ટ કર્યું છે. બાકીના ₹12,000 કરોડનું સેટલમેન્ટ કેન્દ્ર સરકાર પાસે ઉપલબ્ધ બાકીના IGSTમાંથી કરવામાં આવ્યું છે.”
ડેલોઇટ ઇન્ડિયાના પાર્ટનર એમ એમ મણિએ જણાવ્યું હતું કે, “એક વર્ષમાં GSTના દરમાં નોંધપાત્ર ઘટાડો છતાં ટેક્સ કલેક્શનમાં તીવ્ર વધારો GSTની આવક સ્થિર થઈ રહી હોવાનો સંકેત આપે છે.” ટ્રેન્ડ જળવાશે તો 2019-’20 માટેનો GST ટાર્ગેટ સહેલાઈથી હાંસલ કરી શકાશે.
ઉલ્લેખનીય છે ક, ગયા નાણાકીય વર્ષમાં GSTની આવક નિર્ધારિત લક્ષ્યાંક કરતાં ઓછી રહેવાને કારણે સરકારની નાણાકીય સ્થિતિ પર દબાણ વધ્યું હતું. સરકાર 2019-’20માં CGST પેટે ₹6.10 લાખ કરોડ અને કોમ્પેનસેશન સેસ દ્વારા ₹1.01 લાખ કરોડ એકત્ર કરવાની યોજના ધરાવે છે. IGSTનું બેલેન્સ ₹50,000 કરોડ રહેવાનો અંદાજ છે.
from Page Array – I Am Gujarat http://bit.ly/2Lht1Is
No comments:
Post a Comment