ખર્ચકાપ, માંગ વૃદ્ધિથી IHCLને વૃદ્ધિનો ‘તાજ’ મળશે

રાજેશ એન નાઈડુ

69160067

ઇટી ઇન્ટેલિજન્સ ગ્રૂપ

હોટેલ ઉદ્યોગ તીવ્ર મૂડીખર્ચ માંગી લે છે અને ઇન્ડિયન હોટેલ્સ કંપની લિમિટેડ (IHCL)એ છેલ્લાં બે-ત્રણ વર્ષથી ખર્ચને અંકુશમાં રાખવાની સ્ટ્રેટેજી અપનાવી હોવાથી
આગામી ક્વાર્ટર્સમાં જ્યારે ડિમાન્ડ પિક લેવલે પહોંચશે ત્યારે કંપનીની આ સ્ટ્રેટેજી દૂરંદેશીભરી સાબિત થશે અને તેને ભરપૂર ફાયદો થશે.

છેલ્લાં બે વર્ષ 2017-’18 અને 2018-’19માં કંપનીનો ડેટ-ટુ-ઇક્વિટી રેશિયો 1.5થી ઘટીને 0.5 થઈ ગયો છે. વર્તમાન ડિમાન્ડ-સપ્લાયની પરિસ્થિતિમાં, સપ્લાય કરતાં ડિમાન્ડ વધી ગઈ છે અને તેવા સમયે કંપનીના ડેટમાં આ ઘટાડો ઘણો ફાયદો કરાવશે. હોટેલ ઉદ્યોગના નિષ્ણાતોના જણાવ્યા પ્રમાણે, નાણાકીય વર્ષ 2018-’19ના અંતે ડિમાન્ડ 3.4 ટકા વધી હતી, જ્યારે સપ્લાયમાં 2.6ટકા વધારો થયો હતો.

આ સમયગાળામાં IHCLની ડોમેસ્ટિક બિઝનેસની રેવન્યુ પર અવેઇલેબલ રૂમ (RevPAR) 6ટકા વધી હતી જ્યારે ઇન્ટરનેશનલ બિઝનેસની RevPAR 9.3 ટકા વધી હતી. હોટેલ તેના રૂમમાંથી કેટલી પ્રોફિટેબિલિટી હાંસલ કરે છે તે જાણવા માટે આ વેરિએબલનો ઉપયોગ થાય છે.

IHCLનો ઓક્યુપન્સી રેટ 65 ટકાની નજીક છે ત્યારે કંપનીએ ખર્ચ પર ધ્યાન કેન્દ્રિત કર્યું હોવાથી ડિમાન્ડ સાઇકલ સુધરી રહી હોવાથી તે આગામી ક્વાર્ટર્સમાં RevPARમાં ઓછામાં ઓછા 4-5 ટકા વૃદ્ધિ કરી શકે છે. દલાલ સ્ટ્રીટમાં પણ તેને લઈને આશાવાદ પ્રવર્તે છે. બ્લૂમબર્ગે ભેગા કરેલા એનાલિસ્ટ્સના ડેટાનું તારણ નીકળે છે કે, કંપનીની EPS (અર્નિંગ્સ પર શેર) નાણાકીય વર્ષ 2019-’20માં 23.7 ટકા અને 2020-’21માં 44 ટકા વધવાની અપેક્ષા છે.

માર્ચ 2019 ક્વાર્ટરમાં કંપનીએ કરેલા નાણાકીય પર્ફોર્મન્સ પરથી સંકેત મળે છે કે, ખર્ચને અંકુશમાં રાખવાના પ્રયાસોથી કંપનીને ભરપૂર ફાયદો થઈ રહ્યો છે. માર્ચ ક્વાર્ટરમાં તેના વ્યાજખર્ચમાં 8.5 ટકાનો તીવ્ર ઘટાડો થયો હોવાથી તેની અર્નિંગ્સ બિફોર ઇન્ટરેસ્ટ ડેપ્રિશિએશન ટેક્સ એન્ડ એમોર્ટાઇઝેશન (EBIDTA) વાર્ષિક ધોરણે 21 ટકા વધીને ₹322 કરોડ થઈ હતી. આને કારણે માર્ચ ક્વાર્ટરમાં કંપનીનો નેટ પ્રોફિટ 52 ટકા વધીને ₹115 કરોડ થયો હતો.

કંપનીએ આવકમાં પણ 10 ટકાનો સારો ગ્રોથ હાંસલ કર્યો હતો અને ₹1,282 કરોડની આવક હાંસલ કરી હતી.

આગામી ક્વાર્ટર્સમાં પણ કંપની તેના ખર્ચમાં વધુ ઘટાડો કરી શકશે કારણ કે તે એસેટ લાઇટ મોડલનું પાલન કરવાની છે. 2017-’18માં અંડર મેનેજમેન્ટ કોન્ટ્રાક્ટના રૂમનો હિસ્સો 32 ટકા હતો જે 2018-’19ના અંતે વધીને 40 ટકા થયો હતો. વિવિધ એનાલિસ્ટ્સના અંદાજ પ્રમાણે, કંપનીનો ઇન્ટરેસ્ટ ખર્ચ 4-5 ટકા ઘટવાથી તેનો ડેટ-ટુ-ઇક્વિટી રેશિયો વધુ ઘટીને 0.4 થવાની શક્યતા છે.

વેલ્યુએશનની વાત કરીએ તો, 2019-’20ની અંદાજિત અર્નિંગ્સને ધ્યાનમાં લેતાં કંપનીનો શેર 16.7ના EV/EBIDTA પર ટ્રેડ થઈ રહ્યો છે, જેની સામે તેની છેલ્લાં ત્રણ વર્ષની સરેરાશ 26.3 EV/EBIDTAની છે એટલે વર્તમાન વેલ્યુએશન ઘણું આકર્ષક લાગે છે.

from Page Array – I Am Gujarat http://bit.ly/2vzW3bB