2 જ મિનિટમાં જ ફાઈનલની ટિકિટો સૉલ્ડ આઉટ
સોલોમન એસ. કુમાર, હૈદરાબાદ : ઈન્ડિયન પ્રીમિયર લીગ (IPL)ની 12મી સિઝનની ફાઈનલની ટિકિટો માત્ર 120 સેકન્ડ એટલે કે, 2 મિનિટમાં વેચાઈ ગઈ છે. આ બાબત ફેન્સમાં IPLની લોકપ્રિયતા તો દેખાડે જ છે સાથે જ તેની પારદર્શકતા અને મેનેજમેન્ટ પર પણ સવાલ પેદા કરે છે. અસલમાં, બુધવારે ભારતીય ક્રિકેટ કન્ટ્રોલ બોર્ડ (BCCI)એ ટિકિટોનું વેચાણ ખોલ્યું. તે પણ કોઈ નોટિસ વિના, પણ દંગ કરી દેનારી વાત એ રહી કે, માત્ર બે મિનિટમાં વેચાઈ ગઈ.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
હૈદરાબાદ ક્રિકેટ સંઘે ઉઠાવ્યા સવાલ
આ અંગે હૈદરાબાદ ક્રિકેટ એસોસિએશન (HCA)ની સ્ટેન્ડિંગ કમિટીના એક સભ્યે સવાલ ઉઠાવતા કહ્યું કે, ‘ફાઈનલની તમામ ટિકિટો મિનિટોમાં કેવી રીતે વેચાઈ શકે?’ આ ખૂબ જ ચોંકાવનારી વાત છે અને BCCIને ફાઈનલ જોવાની ઈચ્છા ધરાવનારા પ્રશંશકોને જવાબ આપવો પડશે.’ રોચક વાત એ છે કે, જ્યાં સુધી ટિકિટો વિશે જાણવા મળત ત્યાં સુધી તમામ ટિકિટો વેચાઈ ચૂકી હતી.
કેમ ઉઠી રહ્યાં છે સવાલ?
ટૂર્નામેન્ટની ફાઈનલ રાજીવ ગાંધી ઈન્ટરનેશનલ સ્ટેડિયમમાં 12 મે એટલે કે રવિવારે રમાવાની છે. આ સ્ટેડિયમની ક્ષમતા 39,000 છે. મોટાભાગની મેચોની 25-30 હજાર ટિકિટો જ વેચાતી હોય છે, પણ આ વખતે આવું કેમ થયું તે કોઈને જાણમાં નથી. સૂત્રોનું માનીએ તો, 1000, 1500, 2000, 2500, 5000, 10000, 12500, 22500 રૂપિયાવાળી ટિકિટો વેચાવાની હતી. પણ, EventsNowએ 1500,2000,2500 અને 5000 રૂપિયાવાળી ટિકિટો જ વેચી. અન્ય ટિકિટોનું શું થયું? આ વિશે કંઈ જાણવા મળ્યું નથી. આ અંગે ફેન્સ સવાલ ઉઠાવી રહ્યાં છે.
EventsNowનું શું કહેવું છે?
EventsNowના સુધીર રેડ્ડીએ આ વિશે કહ્યું, ‘હું કોઈપણ જાણકારી આપી શકું તેમ નથી. અમે તે ટિકિટોને વેચી જે અમને મળી હતી. આ વિશે BCCI આન્સરેબલ છે.’ બીજી તરફ, ACAના અધિકારીએ કહ્યું કે, EventsNow અને BCCIને આ મુદ્દે સ્પષ્ટ કરવું જોઈએ. જણાવી દઈએ કે, મુંબઈ ઈન્ડિયન્સની ટીમ ફાઈનલમાં પહોંચી ચૂકી છે, જ્યારે બીજી ક્વૉલિફાયરની વિજેતા ટીમ ફાઈનલમાં રમનારી બીજી ટીમ હશે. બીજી ક્વૉલિફાયર ચેન્નઈ સુપરકિંગ્સ (CSK) અને દિલ્હી કેપિટલ્સ વચ્ચે વિશાખાપટ્ટનમમાં 10 મેના રોજ રમાશે.
from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2Ji3P2T
No comments:
Post a Comment