સટ્ટાના કારણે આખો પરિવાર થયો બરબાદ
વારાણસી: ઉત્તરપ્રદેશના વારાણસીમાંથી ચોંકાવનારા સમચારા જાણવા મળી રહ્યા છે. અહીં સટ્ટો રમતા પિતાના કારણે તેમનો આખો પરિવાર આજે બરબાદ થઈ ગયો છે. સટ્ટામાં બધું જ હારી ગયા બાદ સટોડિયા પિતાએ તેના બાળકોની જિંદગી છીનવી લીધી અને પોતાનું જીવન પણ ગુમાવ્યું. આ વ્યક્તિના પરિવારમાં હવે તે માસૂમ બાળકોની માતા બચી ગઈ છે કારણકે તે પિયર ગઈ હતી. જ્યાં આ ઘટના બની તે ગામમાં શોકનું વાતાવરણ જોવા મળી રહ્યું છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
દીપક સટ્ટામાં સતત પૈસા હારતો ગયો
વાત જાણે એમ છે કે દીપક ઉર્ફે લડ્ડુ કપડાં વેચવાનું કામ કરતો હતો. તેના પરિવારમાં તેની પત્ની અને 3 પુત્રીઓ હતી. આઈપીએલ મેચ દરમિયાન દીપક સટ્ટામાં સતત પૈસા હારતો ગયો. તેની પત્ની પિયર ગઈ હતી એટલે તેને આ વાતનો ખ્યાલ નહોતો.
પત્ની સાથે દરરોજ ઝઘડો થતો હતો
મૃતક દીપક કુમાર ગુપ્તાની ભત્રીજી સાક્ષીએ જણાવ્યું કે કાકાની ત્રણેય પુત્રીઓ આંગણામાં સૂતી હતી. કાકા આવ્યા અને તેમની આ ત્રણેય પુત્રીઓને કશુંક પીવડાવી દીધું. થોડી જ વારમાં કાકાની પુત્રીઓને ઊલટીઓ થવા લાગી. આસપાસના લોકો કાકા સહિત તેમની ત્રણેય પુત્રીઓને હોસ્પિટલ લઈ ગયા. ત્યાં ઈલાજ દરમિયાન તમામનું મૃત્યુ થઈ ગયું. પાડોશીઓનું કહેવું છે કે દીપક અને તેની પત્ની વચ્ચે દરરોજ ઝઘડો થતો હતો જેના કારણે દીપક તણાવમાં રહેતો હતો.
સટ્ટામાં વધારે પૈસા હારી જવાના કારણે આપઘાત
સટ્ટામાં વધારે પૈસા હારી જવાના કારણે દીપકે બાળકો સહિત પોતાને મારી નાખવાનો નિર્ણય લીધો. એવું જાણવા મળી રહ્યું છે કે દીપકે તેના બાળકોના જમવામાં ઝેર ભેળવી દીધું અને તેણે પોતે પણ ઝેર ખાઈ લીધું. પોલીસે કેસ નોંધીને તપાસ શરૂ કરી છે. પોલીસ આસપાસના લોકોની સાથે પણ પૂછપરછ કરી રહી છે.
from Page Array – I Am Gujarat http://bit.ly/306NjHP
No comments:
Post a Comment