Jio GigaFiber vs એરટેલ બ્રોડબેન્ડઃ સ્પીડ, કિંમત અને પ્લાનમાં કોણ છે બેસ્ટ, જાણો

કોણ છે બેસ્ટ?

નવી દિલ્હીઃ એમાં કોઈ શક નથી કે રિલાયન્સ જિયોની માર્કેટમાં એન્ટ્રી સાથે જ ભારતીય ટેલિકોમ ઇન્ડસ્ટ્રીમાં ખૂબ મોટા ફેરફાર આવ્યા છે. જિયો દ્વારા ઓફર કરવામાં આવતા સસ્તા પ્લાનને કારણે બીજા ઓપરેટર્સને પણ પોતાના પ્લાન સસ્તા કરવા પડ્યા હતા. ટેલિકોમ સેક્ટરમાં પોતાની મજબૂત પકડ જમાવ્યા બાદ કંપની હવે જિયો ગીગાફાઈબર દ્વારા બ્રોડબેન્ડ સેક્ટરમાં એન્ટ્રી કરવાની તૈયારી કરી રહી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

જિયો અને એરટેલે સ્પર્ધામાં ઉતરવા કસી કમર

જિયો ગીગાફાઈબરની ભારતના અનેક શહેરોમાં ટેસ્ટિંગ ચાલી રહી છે. દેશના કેટલાક પસંદ કરવામાં આવેલ શહેરોના ગ્રાહકો તેની સેવાનો લાભ લઈ રહ્યા છે. જિયો આ સર્વિસને પ્રીવ્યૂ સર્વિસ નામથે ઉપલબ્ધ કરાવી રહ્યું છે. જિયોનો દાવો છે કે આ સેવા એકવાર પૂર્ણરુપે શરુ થયા બાદ યુઝર્સને 1GBPSની સ્પીડ મળશે. જિયોની આ તૈયારીને જોઈને તેની મુખ્ય હરીફ કંપની એરટેલે પણ કમર કસી છે અને બ્રોડબેન્ડ પ્લાનમાં મોટા ફેરફાર કર્યા છે.

તમને કઈ કંપનીનો પ્લાન ફાયદો કરાવશે જાણો

આગામી સમયમાં આ બંને કંપની વચ્ચે બ્રોડબેન્ડ સેવા માટે પણ તીવ્ર હરિફાઈ લાગશે. ત્યારે આવો જોઈએ કે યુઝર્સને કઈ કંપની વધુ ઓફર આપી રહી છે. તેમજ કઈ કંપની સ્પીડ, કિંમત અને મળતા ડેટાની દ્રષ્ટીએ બેસ્ટ છે.

સ્પીડ

રિલાયન્સ જિયો હાઈ સ્પીડ ઇન્ટરનેટ માટે FTTH કનેક્ટિવિટી પર કામ કરી રહ્યું છે. સ્પીડની જ્યાં સુધી વાત છે ત્યાં જિયો 5Ghz વાઈફાઈ નેટવર્ક અને ઈથરનેટ પર 100 Mbps સ્પીડ આપવાનો દાવો કરે છે. આ સાથે જ જૂના 2.4Ghz વાયરલેસ નેટવર્ક પર આ સ્પીડ 50Mbpsની છે. રિપોર્ટ્સનું માનીએ તો હાલ પ્રીવ્યુ ઓફરમાં આ સ્પીડ મળી રહી છે ત્યરે જિયો કોમર્શિયલ બેઝ્ડ પર જ્યારે પોતાની સેવા લોંચ કરશે ત્યારે યુઝર્સને 100Mbpsની સ્પીડ મળશે.

એરટેલ 300Mbps સુધીની સ્પીડ ઓફર કરે છે

જ્યારે એરટેલની વાત કરીએ તો તે પોતાના સૌથી પ્રીમિયમ પ્લાનમાં 300Mbps ની સ્પીડ આપવાનો વાયદો કરે છે. જ્યારે એરટેલનો સૌથી ઓછી ઝડપનો પ્લાન 8Mbpsનો છે. એરટલ 40Mbps અને 100Mbpsના પ્લાન પણ ઓફર કરી રહી છે. જોકે આ તમામ પ્લાન કેટલાક મહાનગરો પૂરતા જ છે જ્યારે મોટાભાગના વિસ્તારમાં એરટેલ વધુમાં વધુ 20Mbpsની સ્પીડ આપી રહ્યું છે.

ડેટા

એરટેલ પાસે કેટલાક પ્લાનને છોડીને બાકીના બધા FUP લિમિટવાળા પ્લાન છે. જે લિમિટ 150GBથી 1200GB સુધી હોઈ શકે છે. આ પ્લાનમાં FUP લિમિટ પૂર્ણ થયા બાદ ઇન્ટરનેટ સ્પીડ ઓછી થઈ જાય છે.

બંને કંપનીમાં ડેટાની એક લિમિટ

જ્યારે જિયો પ્રીવ્યુ ઓફરમાં યુઝર્સને FUP લિમિટવાળો એક પ્લાન ઓફર કરવામાં આવે છે. જેમાં કેટલાક સિલેક્ટેડ યુઝર્સને 90 દિવસ સુધી ફ્રી જિયો ગીગાફાઈબર પ્લાન આપવામાં આવે છે. જ્યારે પ્રીવ્યુ ઓફરમાં યુઝર્સને 100GB FUP કેપિંગ સાથે 100Mbpsની સ્પીડ મળે છે. યુઝર્સ તેના બાદ ફ્રી ઓફ કોસ્ટ બુસ્ટર દ્વારા તેને રિચાર્જ કરી શકે છે. આ રિચાર્જમાં યુઝરને ડેઈલી યુઝ માટે 40GB ડેટા મળે છે.

કિંમત

કિંમતની જ્યાં સુધીમાં વાત કરવામાં આવેલ રિલાયન્સ Jio GigaFiber એરટેલના પ્લાન કરતા સસ્તું છે. કેમ કે હાલમાં તે પૂર્ણરુપે ફ્રી છે. હાલ કંપની યુઝર્સને ફ્રી ઓફ કોસ્ટ પ્લાન ઓફર કરી રહી છે. જોકે યુઝર્સે કનેક્શન માટે રાઉટર માટે પેમેન્ટ કરવું પડે છે. જિયો ગીગાફાઈબરના રાઉટરની કિંમત રુ.4500 રુપિયા છે. કંપનીનું આ રાઉટર ભવિષ્યમાં જિયો દ્વારા આપવામાં આવનાર 1Gbpsની સ્પીડને પણ સપોર્ટ કરશે.

એરટેલના પ્લાન

બીજી તરફ એરટેલના માસિક ભાડાવાળા પ્લાન છે. એરટેલ પોતાના યુઝર્સને રુ.499થઈ લઈને રુ.2100ના પ્લાન ઓફર કર છે. જેમાં GST ટેક્સ જોડાતા યુઝરને થોડા વધારે રુપિયા ચુકવવા પડે છે.

from Page Array – I Am Gujarat http://bit.ly/2VpMzz0