KBCનું રજિસ્ટ્રેશન આજથી શરું, કરોડપતિ બનવા અજમાવો તમારું નસીબ

ફરી એકવાર શરું થઈ રહ્યું છે KBC

ટીવી પર આવતો લોકપ્રિય શો કૌન બનેગા કરોડપતિ(KBC) તેની 11મી સીઝન સાથે ફરી આવી રહ્યો છે. આ શો દેશના હજારો લોકોના ચહેરા પર હાસ્ય લાવવાની સાથે સાથે તેમના સપના પૂરા કરે છે. શોના હોસ્ટ ભારતીય સીનેમાના મહાનાયક અમિતાભ બચ્ચન કરતા હોય ત્યારે કેટલાય લોકો તેને મળવા માટે પણ આ શોનો ભાગ બનવા મળે તેવી આશા રાખતા હોય છે. આ શો માટે રજિસ્ટ્રેશન આજે એટલે કે 1 મેના રોજ રાત્રે 9 વાગ્યાથી શરુ થઈ જશે. ટીવી પર સમગ્ર સપ્તાહ દરમિયાન કેટલાક સવાલ દર્શાવાશે જેના જવાબ આપવા પડશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

જો તમે પણ ભાગ લેવા માગતા હોવ તો કરો રજીસ્ટ્રેશન

કેબીસીની હોટ સીટ પર બેસવા માગતા દર્શકો Sonylivની વેબસાઈટ પર જઈને રજીસ્ટ્રેશન કરી શકે છે. આ ઉપરાંત IVR અથવા SMS દ્વારા પણ ઓફલાઈન રજીસ્ટ્રેશન કરી શકો છો. રજીસ્ટ્રેશન પૂર્ણ થયાની જાણકારી ઈમેઇલ અથવા એસએમએસ દ્વારા મોકલી દેવામાં આવશે. જે બાદ કેબીસીની ટીમ ભાગ લેનારા લોકોને શોર્ટ લિસ્ટ કરશે. જે માટે અલગ અલગ શહેરોમાં ઓડિશન લેવામાં આવશે. ભાગ લેવા માગતા લોકોનો વીડિયો ટેસ્ટ પણ કરવામાં આવશે.

અમિતાભે ટ્વિટ કરી આપી હતી જાણકારી

ઉલ્લેખનીય છે કે અમિતાભ બચ્ચને થોડા દિવસો પહેલા જ કેબીસી 11ની સીઝન અંગે ટ્વિટ કરીને જાણકારી આપી હતી. અમિતાભે હિંદીમાં ટ્વિટ કરી કહ્યું હતું- ‘આદર, આદાબ અભિનંદન આભાર! હું અમિતાભ બચ્ચન પ્રસ્તુત કરવા જઈ રહ્યો છું, આ વર્ષ 2019નું નવું અભિયાન… કૌન બનેગા કરોડપતિ… ટૂંક સમયમાં જ તમારા ઘરોમાં’ ગત સીઝન 10માં આસામની રહેવાસી બે બાળકોની માતા બિનિતા જૈન 13માં પ્રશ્નનો જવાબ આપીને એક કરોડની ઈનામી રકમ જીતી હતી.

ટ્વિટ

T 3089 – आदर आदाब अभिनंदन आभार ! मैं अमिताभ बच्चन प्रस्तुत करने जा रहा हूँ , इस वर्ष २०१९ का नया अभियान … कौन बनेगा करोड़पति … KBC !!
बहुत जल्द आपके घरों में !! pic.twitter.com/mzeLj36Wfh

— Amitabh Bachchan (@SrBachchan) February 13, 2019

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat http://bit.ly/2LesIhx