ભારતમાં લૉન્ચ થઈ રહી છે MG Hector 7 સીટર કાર, જાણો ફીચર્સ અને કિંમત

જૂન મહિનામાં થશે લૉન્ચ

બ્રિટનની કાર કંપની MG Hectorએ પોતાની નવી કારનું મોડલ ભારતમાં લૉન્ચ કરવા માટેની તૈયારીઓ કરી લીધી છે. આ નવી કાર 7 સીટર છે. MG Hectorની 5 સીટર મોડલ ભારતમાં લૉન્ચ થનારું પ્રથમ મોડલ છે. જૂન મહિનામાં મોડલ લૉન્ચ થવાનું છે. જૂનના પ્રથમ અઠવાડિયામાં કારનું બુકિંગ શરુ થઈ જશે. ઓટોકાર ઈન્ડિયાના એક રીપોર્ટ અનુસાર કંપની આ જ મોડલમાં 7 સીટર મોડલ માર્કેટમાં લાવશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આ છે ફીચર્સ

કંપની 5 સીટર બાદ 7 સીટર મોડલ માર્કેટમાં લાવશે. જે પ્રમાણમાં મોટી અને આકર્ષક રહેશે. આ કારનો લુક થોડા સમય પહેલા જ શેર કરવામાં આવ્યો હતો. નવા સેગમેન્ટમાં લાર્જેસ્ટ બુટ સ્પેસ સાથે આવી રહી છે. કારની ત્રીજી રો ખૂબ જ આરામદાયક રહેશે અને એસી ફીચર્સથી સજ્જ રહેશે. 7 સીટર મોડલ Baujon 530 SUV પર આધારિત હશે. જે અગાઉ ચીનની માર્કેટમાં લૉન્ચ થઈ હતી. એમજી મોટર્સ ઈન્ડિયાના એમડી અને સીઈઓએ જણાવ્યું હતું કે, MG Hectorના નવા મોડલમાં ત્રીજી રો જોડવામાં આવશે. પણ ઓટોની દુનિયામાં તેને 7 સીટર કહી ન શકાય.

કિંમત કેટલી?

કંપનીએ તાજેતરમાં જણાવ્યું હતું કે, ભારતીય ઓટો માર્કેટમાં આ તેની પહેલી કાર રહેશે. જેની લંબાઈ 4655mm, પહોંળાઈ 1835mm અને ઊંચાઈ 1760mm રહેશે. આ નવી કારની કિંમત જૂના મોડલ કરતા થોડી વધારે છે. 7 સીટર SUVની કિંમત આશરે રુ. 25 લાખ આસપાસ રહેશે. લૉન્ચ થયા બાદ આ કારની ટક્કર Tata Cassiniની સાથે થવાની છે. કારણ કે આ પણ 7 સીટર કાર છે. આ સિવાય ટોયોટા ફોર્ચ્યુનર, ફોર્ડ એન્ડેવર અને સ્ક્વોડા સાથે તેની ટક્કર થશે.

ઈન્ફોટેઈનમેન્ટ સિસ્ટમ

કારની અંદર 10.4 ઈંચની ટચસ્ક્રિન ઈન્ફોટેઈનમેન્ટ સિસ્ટમ રહેશે. આ ઉપરાંત 6 એરબેગ આપવામાં આવી છે. આ કાર લુક અને પીકઅપ બંનેમાં બેસ્ટ રહેશે. આ વર્ષે જ ટાટા મોટર્સે પોતાનું નવું મોડલ લૉન્ચ કર્યું હતું. જોકે, કંપની નવી કારના ભાવમાં થોડો-ઘણો ફેરફાર કરી શકે છે. સૌથી મોટી અને ખાસ વાત એ છે કે, આ કારના ઉપયોગમાં લેવાયેલા કેટલાક પાર્ટસ ગુજરાતના હોલોલમાં તૈયાર થયા છે.

 

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2WNIxwV