હાલોલ પ્લાન્ટમાં બનેલી MG મોટર્સની SUV Hector પરથી પડદો હટ્યો

ગુજરાતમાં બની છે આ કાર

મુંબઈ:બ્રિટનની ઓટો કંપની MG મોટરે બુધવારે તેની પ્રથમ ઇન્ટરનેટ કાર હેક્ટર પરથી પડદો હટાવ્યો હતો અને તેને આવતા મહિને લોન્ચ કરવાની યોજના છે. MG મોટર ઇન્ડિયાની સંપૂર્ણ માલિકી ચીનની SAIC મોટર કોર્પ પાસે છે અને તેણે ભારતમાં તેનો પોર્ટફોલિયો વધારીને આવતા વર્ષના અંત સુધીમાં ચાર પ્રોડક્ટ્સનો કરવાની યોજના બનાવી છે. કંપનીના પ્રેસિડન્ટ અને MD રાજીવ ચબાએ કહ્યું હતું કે અમારા પોર્ટફોલિયોમાં એક ઇલેક્ટ્રિક SUV પણ સામેલ હશે.

હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો

એક ઈલેક્ટ્રિક SUV પણ આવશે

“આવતા 18 મહિનામાં ચાર પ્રોડક્ટ લોન્ચ કરવા માટે અમને મંજૂરી મળી ગઈ છે. અમે બીજી પ્રોડક્ટની તો જાહેરાત પણ કરી દીધી છે, જે એક ઇલેક્ટ્રિક SUV હશે અને અમે તેને ચાલુ વર્ષે જ લોન્ચ કરીશું.” એમ ચબાએ ઉમેર્યું હતું. હેક્ટર પેટ્રોલ અને ડીઝલ એન્જિન ધરાવે છે અને તેનું બૂકિંગ જૂનના પ્રારંભથી શરૂ થશે. આ કારનું પ્રોડક્શન હાલોલ પ્લાન્ટમાં થઈ રહ્યું છે.

હેક્ટરમાં કંપનીએ 300 ફેરફાર કર્યા

ભારતનાં ગ્રાહકોની જરૂરિયાત અને રોડની પરિસ્થિતિને ધ્યાનમાં રાખીને SUV MG હેક્ટરમાં કંપનીએ 300 જેટલાં ફેરફાર કર્યા છે. આ SUVમાં 50 કનેક્ટેડ ફીચર્સ હશે અને તે 19 એક્સ્ક્લુઝિવ ફીચર સાથેની પ્રથમ 48V હાઈબ્રિડ SUV હશે એમ ચબાએ કહ્યું હતું.

કિંમત કેટલી?

મધ્યમ કદની હેક્ટરથી ₹12-25 લાખની કારના સેગમેન્ટમાં સ્પર્ધા વધશે. આ સેગમેન્ટમાં મહિન્દ્રાની XUV 500, ટાટાની હેરિયર, જીપ કમ્પાસ અને હ્યુન્ડાઇની ક્રેટા જેવી કાર છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2JFojSe