આવી ગઈ ઓટોમેટિક ટિયાગો NRG, જાણો કિંમત

જાણો આ કારની કિંમત

નવી દિલ્હી: Tata Motorsએ હેચબેક કાર Tiagoના ક્રોસઓવર વર્ઝન Tiago NRGનું ઓટોમેટિક વેરિયન્ટ લોન્ચ કર્યું છે. ઓટોમેટિક ટ્રાન્સમિશનવાળી ટિયાગો એનઆરઆજીની એક્સ શોરૂમ કિંમત 6.15 લાખ રૂપિયા છે. સપ્ટેમ્બર 2018માં લોન્ચ થયેલી આ કાર અત્યારસુધી મેન્યુઅલ ટ્રાન્સમિશનમાં ઉપલબ્ધ હતી. ઓટોમેટિક ટ્રાન્સમિશનનો ઓપ્શન માત્ર કારના પેટ્રોલ એન્જિન સાથે આપવામાં આવ્યો છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

સ્ટાન્ડર્ડ ટિયાગો કરતા અલગ

ટાટા ટિયાગોના પેટ્રોલ એન્જિન-મેન્યુઅલ ટ્રાન્સમિશનની તુલનામાં ઓટોમેટિક ટ્રાન્સમિશનવાળા નવા વેરિયન્ટની કિંમત 45 હજાર રૂપિયા વધારે છે. ઓટોમેટિક ટ્રાન્સમિશન સિવાય આ કારમાં બીજું કશું અપડેટ થયું નથી. ટિયાગો એનઆરજી સ્ટાન્ડર્ડ ટિયાગોનું એક વિશેષ વર્ઝન છે. તેની ચારેય બાજુ બ્લેક પ્લાસ્ટિક ક્લેડિંગ, ફ્રન્ટ અને રિયર સ્કિડ પ્લેટ્સ, બ્લેક ગ્રિલ, રુફ રેલ્સ અને વધુ ગ્રાઉન્ડ ક્લિયરન્સ તેને સ્ટાન્ડર્ડ ટિયાગો કરતા અલગ બનાવે છે.

જાણો તેના ફીચર્સ

ટિયાગો એનઆરજીમાં અલોવ વીલ્ઝ જેવા દેખાતા 14 ઈંચના સ્ટીલ વીલ, રિફ્લેક્ટર હેડલેમ્પ્સ, કોંટ્રાસ્ટ સ્ટિચ ફેબ્રિક અપહોલસ્ટ્રી, મેન્યુઅલ એસી, પાવર અસિસ્ટેડ અને ટિલ્ટ અડજસ્ટેબલ સ્ટિયરિંગ, હાઈટ-અડજસ્ટેબલ ડ્રાઈવર સીટ. રિમોટ લોકિંગ, તમામ ચારેય પાવર વિન્ડો અને ઈલેક્ટ્રિક રીતે એડજસ્ટ થતા વિંગ મિરર જેવા ફીચર્સ છે.

એન્જિન

ટિયાગો એનઆરજીમાં 85hp પાવરવાળું 1.2 લીટર પેટ્રોલ અને 70hp પાવરવાળું 1.05 લીટર ડિઝલ એન્જિન છે. બંને એન્જિનમાં 5-સ્પીડ મેન્યુઅલ ટ્રાન્સમિશન સ્ટાન્ડર્ડ આપવામાં આવ્યું છે. પેટ્રોલ એન્જિનમાં હવે એએમટીનું ઓપ્શન પણ આપેલું છે. માર્કેટમાં તેની ટક્કર મારૂતિ સુઝુકી સિલેરિયો એક્સ અને મહિન્દ્રા કેયુવી 100 એનએક્સટી સાથે માનવામાં આવે છે.

માઈલેજ

ઓટોમોટિવ રિચર્સ એસોસિએશન ઓફ ઈન્ડિયા (ARAI) અનુસાર, ટિયાગો એનઆરજીના પેટ્રોલ એન્જિન-મેન્યુઅલ ટ્રાન્સમિશનની માઈલેજ 22 કિલોમીટર પ્રતિ લીટર અને ડીઝલ એન્જિન-મેન્યુઅલ ટ્રાન્સમિશનની એવરેજ 25 કિલોમીટર પ્રતિ લીટર છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2YPUp1W