PUBG ઘેલા વરરાજાએ એવું તે શું કર્યું કે દેશ-દુનિયામાં થઈ રહી છે ચર્ચા!

PUBGનું આ તે કેવું વળગણ?

આપણે બધા જાણીએ છીએ કે PUBGએ એક એવી મોબાઈલ ગેમ છે કે જેની લત લાગી જાય છે. પણ, શું તેની લત એવી ભયાનક હોય છે કે, વ્યક્તિને તેના જીવનના સૌથી મહત્વના પ્રસંગમાં પણ રસ ન રહે? શોર્ટ વિડીયો પ્લેટફોર્મ ટિકટોક પર શેર કરાયેલા એક વિડીયોમાં તો આવું જ દેખાઈ રહ્યું છે. હકીકતમાં ટિકટોક પર એક વિડીયો શેર કરાયો છે, જેમાં એક યુવક પોતાના લગ્નમાં દૂલ્હન અને મહેમાનોને અવગણીને માત્ર PUBG રમવામાં જ સતત વ્યસ્ત રહે છે. આ વિડીયોએ દેશ-વિદેશમાં ભારે ચર્ચા જગાવી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ટિકટોક શું છે?

ટિકટોકએ શોર્ટ વિડીયો બનાવવાનું અને શેર કરવા માટેની મોબાઈલ એપ છે. જેના પર એક વિડીયો શેર કરાયો છે કે જેમાં વરરાજા PUBG રમવામાં વ્યસ્ત હોવાનું દેખાઈ રહ્યું છે અને દૂલ્હન આશ્ચર્યથી તેને જોઈ રહી છે.

બીચારી દૂલ્હન!

પોતાના જીવનના મહત્વના દિવસે દૂલ્હનને સૌથી મોટી સ્પર્ધા અન્ય કોઈથી નહીં, પણ એક વિડીયો ગેમ સાથે કરવી પડી કે જેણે બધાનું ધ્યાન પોતાની તરફ ખેંચી લીધું. માત્ર દૂલ્હન માટે જ નહીં, લગ્નમાં આવેલા મહેમાનો માટે પણ આવી સ્થિતિ હતી. આ સમગ્ર વિડીયોમાં દૂલ્હન વરરાજા તરફ નિઃસહાય થઈને જોઈ રહેલી જોવા મળે છે અને કોઈપણ સારી રીતે સમજી શકે છે કે એ સમયે તેના મનમાં શું ચાલતું હશે!

મહેમાન ગિફ્ટ આપવા આવ્યા તો…

વરરાજા ગેમ રમવામાં એટલો વ્યસ્ત દેખાય છે કે, તે ભાગ્યે જ મોબાઈલ સ્ક્રીન પરથી આંખ ઊંચી કરે છે અને દૂલ્હન સામે નજર નાખે છે. તે મહેમાનોને પણ અવગણી રહ્યો છે. વિડીયોમાં દેખાઈ રહ્યું છે કે, વર-વધૂને ગિફ્ટ આપવા આવેલા એક મહેમાન તરફ વરરાજા જોતો પણ નથી, અને ગિફ્ટના બોક્સને હાથથી ધક્કો મારી એકતરફ કરી દે છે કેમકે એ બોક્સ મોબાઈલ સ્ક્રીન જોવામાં અડચણરૂપ બનતું હતું.

ટિકટોક અને PUBGથી બચીને રહેજો

જોકે, એ વાત જાણવા મળી નથી કે આ વિડીયો સાચો છે કે પછી માત્ર ટિકટોક પર અપલોડ કરવા માટે શૂટ કરાયો છે. ટિકટોક વિડીયો એપએ હાલમાં વિશ્વભરમાં એક અનોખું આકર્ષણ ઊભું કર્યું છે અને લોકો અવાર-નવાર તેના પર આવા વિડીયો શેર કરતા રહે છે. એ જ રીતે, PUBG પણ ઓનલાઈન ગેમિંગની લતને એક અલગ જ સ્તર પર લઈ ગઈ છે અને હજારો ભારતીયોને આ ગેમની લત લાગી ગઈ છે. ત્યારે ટિકટોક અને પબજી ક્યાંક તમારા માટે મોટી મુશ્કેલી ન ઊભી કરી દે તેનું ધ્યાન રાખજો.

ટિકટોક અને PUBG સામે લેવાયા હતા પગલાં

તાજેતરમાં જ તમિળનાડુની હાઈકોર્ટે ટિકટોક પર એમ કહીને પ્રતિબંધ મૂક્યો હતો કે, તેના પર પોર્નોગ્રાફીને પ્રોત્સાહન આપવામાં આવી રહ્યું છે. બાદમાં આ પ્રતિબંધ હટાવી લેવાયો હતો. ઉપરાંત લોકો અને તેમાં પણ ખાસ કરીને યુવાનો જે રીતે PUBGની લતે ચડી ગયા છે તે જોતાં તેના પણ થોડો સમય પ્રતિબંધ મૂકાયો હતો.

જુઓ વિડીયો

Mention puBG Lover

8K wallpapers द्वारा इस दिन पोस्ट की गई गुरुवार, 25 अप्रैल 2019

from Gujarati Jokes, Latest Jokes in Gujarati, ગુજરાતી ટુચકાઓ, Read Funny Jokes – Page Array – I Am Gujarat http://bit.ly/2J4584e