આ કારણે લેવાયો નિર્ણય
મુંબઈઃ કપૂર ખાનદાનની ફિલ્મી વિરાસત આરકે સ્ટુડિયો જાણીતા બિઝનસ ટાયકુન ગોદરેજે ખરીદી લીધો છે. રિપોર્ટમાંથી મળતી માહિતી અનુસાર ગોદરેજ કંપની હવે આરકે સ્ટુડિયોની જગ્યાએ બહુમાળી એપાર્ટમેન્ટ બનાવશે. જોકે, હજુ સુધી આરકે સ્ટુડિયો વેચાણ રકમ સ્પષ્ટ થઈ નથી. ગત વર્ષે ઓગસ્ટ મહિનામાં કપૂર્સે પહેલી વખત ફિલ્મી ઐતિહાસિક ધરોહર આરકે સ્ટુડિયો વેચવાની વાત જાહેર કરી હતી. આ અંગે એક પ્લાનનો પણ ખુલાસો કર્યો હતો. 2.20 એકરમાં ફેલાયેલો આરકે સ્ટુડિયોનું મેઈનટેનન્સ વધુ હોવાને કારણે કપૂર્સે વેચી દેવાનો નિર્ણય લીધો હતો.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
રણધીર કપૂરે કહી આ વાત
ગોદરેજ પ્રોપર્ટીના એક્ઝિક્યુટિવ ચેરમેન પિરોજશા ગોદરેજે જણાવ્યું હતું કે, અમે આ ઐતિહાસિક સાઈટને પોતાના પોર્ટફોલિયોમાં જોડીને ખૂબ જ ખુશ છીએ. આરકે સ્ટુડિયો ખૂબ જ વિકસિત વિસ્તારમાં છે. જ્યાં આસપાસ અનેક સ્કૂલ, હોસ્પિટલ, મોલ્સ અને કોર્મશિયલ પ્રોપર્ટી છે. આરકે સ્ટુડિયો માટે રણધીર કપૂરે જણાવ્યું હતું કે, ચેમ્બુરમાં સ્થિત આ સંપત્તિ મારા પરિવાર માટે ખૂબ જ સ્પેશ્યલ રહી છે. એક દાયકા સુધી આ સ્ટુડિયો ધમધમતો રહ્યો હતો. આ સંપત્તિની નવી કહાણી લખવા માટે ગોદરેજની પસંદગી કરવામાં આવી છે.
રાજ કપૂરે કરી હતી સ્થાપના
રાજકપૂરે વર્ષ 1948માં આરકે ફિલ્મસ એન્ડ સ્ટુડિયોની સ્થાપના કરી હતી. વર્ષ 2017માં સ્ટુડિયોમાં આગ લાગવાને કારણે સ્ટુડિયોનો એક ભાગ ખાખ થઈ ગયો હતો. ત્યાર બાદ કપૂર્સે આ સ્ટુડિયો વેચવાનો નિર્ણય કર્યો હતો. રાજ કપૂરે બનાવેલી ફિલ્મ ‘રામ તેરી ગંગા મેલી’ વર્ષ 1985માં રીલિઝ થઈ હતી. આ રાજ કપૂરે ડાયરેક્ટ કરેલી છેલ્લી ફિલ્મ હતી. આરકે સ્ટુડિયોએ ‘બરસાત’, ‘આવારા’, ‘બુટ પોલીશ’, ‘શ્રી420’ અને ‘જાગતે રહો’ જેવી બેસ્ટ ફિલ્મો આપી છે. 70 વર્ષ જૂના સ્ટુડિયોનું હવે ગોદરેજ બીજું શુ કરશે એ અંગે કોઈ સ્પષ્ટતા નથી.
છેલ્લી વખત ગણેશચોથની ઉજવણી
છેલ્લી વખત કપૂર પરિવારે ગણેશ ચોથની ઉજવણી આ સ્ટુડિયોમાં કરી હતી. માત્ર ફિલ્મના કલાકારો જ નહીં, ફિલ્મ સાથે જોડાયેલા દર્શકો અને કામ કરતા બીજા લોકો માટે પણ આરકે સ્ટુડિયોનું એક આગવું મહત્ત્વ રહ્યું છે. એક પેઢીની લાગણી આ સ્ટુડિયો સાથે જોડાયેલી હોવાનું માનવામાં આવી રહ્યું છે. જોકે, ગોદરેજે બીજા કોઈ પ્રોજેક્ટ અંગે સ્પષ્ટતા કરી નથી.
from Page Array – I Am Gujarat http://bit.ly/2GYW8Ml
No comments:
Post a Comment