હીરો XPulse તોડી શકશે હિમાલયનનો દબદબો?

Xpulse 200 vs રૉયલ એનફિલ્ડ હિમાલયન

હીરો મોટોકોર્પે હાલમાં જ નવું એડવેન્ચર Xpulse 200 લૉન્ચ કર્યું છે. આ બાઈક રૉયલ એનફિલ્ડ હિમાલયનના વિકલ્પ તરીકે જોવા મળી રહ્યું છે. જાણો આ બંને બાઈક્સના ફીચર્સ વિશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

લૂક

Xpulse 200 લોકોને કનેક્ટ કરી શકે તેવું લાગી રહ્યું છે. આ બાઈકનો લૂક સારો છે. આ બાઈકમાં બ્લૂટૂથ કનેક્ટિવિટી અને રેટ્રો સ્ટાઈલવાળો એલઈડી હેન્ડલેમ્પ છે. જ્યારે, હિમાલયન સાધારણ અને દમદાર લૂક ધરાવે છે. આ બાઈકમાં મોડર્ન ટચ જોવા મળે છે જ્યારે તેની રાઈડિંગ અને સિટિંગ પોઝિશન પણ સરસ છે.

પાવર

Xpulse 200માં 199.6cc, એર-કૂલ્ડ અને સિંગલ-સિલિન્ડર એન્જિન છે. જ્યારે હિમાલયનમાં 411cc, એર-કૂલ્ડ અને સિંગલ-સિલિન્ડર એન્જિન છે. આ બંને બાઈક્સમાં 5-સ્પીડ ગિયરબોક્સ જોવા મળે છે.

માઈલેજ

Xpulse 200ની માઈલેજ 36-40 કિલોમીટર પ્રતિ લીટર અને હિમાલયનની માઈલેજ 26-28 કિલોમીટર પ્રતિ લીટર છે.

ફ્યૂલ ટેંક અને વજન

Xpulse 200માં 13 લીટર અને હિમાલયનમાં 15 લીટરની ક્ષમતાવાળી પેટ્રોલ ટાંકી છે. Xpulse 200નું વજન 154 કિલોગ્રામ અને હિમાલયનનું વજન 191 કિલોગ્રામ છે.

સીટ હાઈટ અને ગ્રાઉન્ડ ક્લિયરન્સ

હિમાલયનની સીટ હાઈટ 800 mm છે, જ્યારે Xpulse 200ની હાઈટ 823 mm છે. બંને બાઈક્સનું ગ્રાઉન્ડ ક્લિયરન્સ 220 mm છે. હિમાલયનનો વ્હીલબેઝ 1465 mm અને Xpulse 200નો વ્હીલબેઝ 1410 mm છે.

બ્રેકિંગ

Xpulse 200માં ડિસ્ક બ્રેક, સિંગલ ચેનલ એબીએસ છે જ્યારે હિમાલયનમાં ડિસ્ક બ્રેક, ડ્યૂલ ચેનલ એબીએસ જોવા મળશે.

કિંમત

Xpulse 200ની શરૂઆતની કિંમત 97 હજાર રૂપિયા છે જ્યારે હિમાલયનની શરૂઆતની એક્સ શોરૂમ કિંમત 1.80 લાખ રૂપિયા છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2VWRZRj