મહિન્દ્રાએ લોન્ચ કરી સૌથી ઓછી કિંમતની XUV500

લોન્ચ થયું સસ્તું વેરિયન્ટ

Mahindraએ પોતાની સૌથી ફેમસ XUV500નું નવું બેઝ વેરિયન્ટ W3 લોન્ચ કર્યું છે. આ Mahindra XUV500નું સૌથી સસ્તું વેરિયન્ટ છે. જેની એક્સ શો રુમ કિંમત 12.22 લાખ રુપિયા છે. કંપનીએ કહ્યું છે કે એસયુવીનું આ નવું વેરિયન્ટ દેશભરમાં મહિન્દ્રાની ડીલરશીપ પર તત્કાલ ઉપલબ્ધ થશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

58 હજાર સસ્તું બેઝ વેરિયન્ટ

આ વેરિયન્ટનું લોન્ચિંગ પહેલાથી અત્યાર સુધીની એક્સયુવી 500નું બેઝ વેરિયન્ટ W5 હતું, જેની એક્સ શો રુમ કિંમત 12.80 લાખ રુપિયા હતી. જૂના બેઝ વેરિયન્ટની સરખામણીમાં નવું બેઝ વેરિયન્ટ 58 હજાર જેટલું સસ્તું છે. એકસયુવી500ના નવા વેરિયન્ટની ડિઝાઈન અને એન્જિનમાં કોઈ જ બદલાવ કરવામાં નથી આવ્યો. કંપનીનો દાવો છે કે ડીઝલ એન્જિનવાળી એક્સયુવી 500ની માઈલેજ 15.4 કિલોમીટર પ્રતિ લીટર છે.

પાવર અને સેફ્ટી

એક્સયુવી 500 W3માં પણ 2.2 લીટરનું ડીઝલ એન્જિન છે. જે 153 bhpનો પાવર અને 360 Nm ટોર્ક જનરેટ કરે છે. જેનું એન્જિન 6 સ્પીડ મેન્યુઅલ ટ્રાન્સમિશનથી સજ્જ છે. આ વેરિયન્ટમાં ડ્યૂઅલ ફ્રન્ટ એરબેગ્સ અને ઈબીડી સાથે એબીએસ સેફ્ટી ફીચર્સ સ્ટાન્ડર્ડ પણ આપવામાં આવ્યાં છે.

ફીચર્સ

બેઝ વેરિયન્ટ હોવા છતાં ડબલ્યુ3 ફીચર્સના મામલે ઓછી નથી ઉતરતી. આ કારમાં પાવર એડજસ્ટેબલ આઉટ સાઈડ રિયર વ્યૂ મિરર, એન્જિન ઈમોબિલાઈઝર, ઈલેક્ટ્રોનિક રીતથી ઓપરેટ થતી ડ્યૂઅલ HVAC (હિટિંગ વેન્ટિલેશન એન્ડ એર કન્ડિશનિંગ), પ્રોજેક્ટર હેડલેમ્પ્સ, એલઈડી ડીઆરએલ અને ક્રોમ ગ્રિલ પણ ઉપલબ્ધ છે.
(એજન્સીના ઈનપુટ સાથે)

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2VjVTja