અમદાવાદ, સુરતઃ રાજ્યમાં સત્તાવાર ચોમાસાની એન્ટ્રી થઈ ગઈ છે. જેમાં સૌરાષ્ટ્ર અને દક્ષિણ ગુજરાતમાં મેઘરાજાએ બેટિંગ શરુ કરી ધીધી છે. રાજ્યમાં દક્ષિણ ભારત તરફથી ચોમાસું ઝડપથી પહોંચી રહ્યું છે. હવામાન વિભાગ દ્વારા પણ સૌરાષ્ટ્ર, દક્ષિણ અને ઉત્તર ગુજરાતમાં સારા વરસાદની આગાહી કરવામાં આવી છે. પાછલા દિવસમાં વડોદરામાં 25mm, સુરતમાં 23mm વરસાદ થયો છે. આ સિવાય સૌરાષ્ટ્રમાં પણ સારો વરસાદ નોંધાયો છે. આ સાથે આજના દિવસમાં ઉત્તર ગુજરાતના છોટા ઉદેપુર, સહિત પંચમહાલ, દાહોદમાં ભારે વરસાદની આગાહી કરાઈ છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
25 તારીખે વડોદરા, ખેડા, આણંદની સાથે દક્ષિણ ગુજરાતના સુરત, તાપી, સોનગઢમાં સારો વરસાદ નોંધાયો છે. આ સાથે સૌરાષ્ટ્રના જામનગર, ગીર-સોમનાથ કેશોદ, વિસાવદરમાં વરસાદ નોંધાયો છે. હવામાન વિભાગ દ્વારા બે દિવસમાં ભારે વરસાદ થવાની આગાહી વ્યક્ત કરવામાં આવી હતી, જેમાં અમદાવાદ સહિત ઉત્તર અને દક્ષિણ ગુજરાતમાં ભારેથી અતિ ભારે વરસાદની સંભાવનાઓ વ્યક્ત કરવામાં આવી હતી. 28મી તારીખે અમદાવાદમાં વરસાદ થવાની આગાહી હવામાન વિભાગે વ્યક્ત કરી છે.
ગઈકાલે વડોદરામાં સવારથી શરુ થયેલા વરસાદ બાદ લાંબા સમય સુધી ધીમી ધારે વરસાદ ચાલું રહ્યો હતો જેના કારણે શહેર અને આસપાસના વિસ્તારમાં તાપમાનનો પારો ગગડી ગયો હતો. ગરમી અને બફારાથી બેહાલ થયેલા લોકોએ રાહતનો શ્વાસ લીધો હતો. આ સાથે નર્મદા, નવસારી, અંકલેશ્વર, ડાંગમાં પણ 10mmથી વધારે વરસાદ નોંધાયો હતો.
આગામી દિવસોની વાત કરીએ તો હવામાન વિભાગ દ્વારા સૌરાષ્ટ્રની સાથે, ઉત્તર અને દક્ષિણ ગુજરાતમાં તોફાની વરસાદ થવાની આગાહી વ્યક્ત કરી છે. જેમાં અમદાવાદમાં વીજળીના કડાકા સાથે વરસાદ થવાની સંભાવના વ્યક્ત કરવામાં આવી છે. વરસાદના લીધી દરિયા કિનારા પર સ્થિતિ સામાન્ય રહેશે પણ દરિયાની મધ્યમાં 26-30 જૂન સુધી માછીમારોને જવાનું ટાળવાની સલાહ હવામાન વિભાગ દ્વારા આપવામાં આવી છે.
from Page Array – I Am Gujarat https://ift.tt/2YeFhLE
No comments:
Post a Comment