અમદાવાદઃ મંગળવારે શહેરના કૃષ્ણનગર વિસ્તારમાં પબજી ગેમના કારણે વધુ એક દંપતિનું ઘર ભાંગવાના આરે પહોંચી ગયું છે. પતિની પબજી ગેમ રમવાની લતના કારણે દંપતિમાં ઝઘડો થતાં તેણે પત્નીને ધક્કો માર્યો. જે બાદ મહિલાએ પોતે ગળે ફાંસો ખાઈ આપઘાતનો પ્રયાસ કર્યો હતો.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
મહિલાએ પોતાના પતિ વિરુદ્ધ ઘરેલું હિંસાની તથા સાસુ-સસરા સામે માનસિક ત્રાસ આપવાની ફરિયાદ નોંધાવી છે. સૂત્રોએ જણાવ્યું કે આ દંપતિ વચ્ચે પબજી ગેમના લીધે પહેલા પણ ઝઘડો થવાની ઘટના બની છે. ફાંસો ખાઈને આપઘાત કરવાનો પ્રયાસ કરી રહેલી મહિલાને બચાવી લેવાઈ હતી અને સારવાર માટે વી.એસ હોસ્પિટલ ખસેડાઈ હતી. પોલીસે પતિ વિરુદ્ધ ગુનો નોંધી તપાસ શરૂ કરી છે. વી.એસ હોસ્પિટલના સત્તાધિકારીઓએ આ મામલે કંઈ કહેવાથી ઈનકાર કરી દીધો હતો.
પોલીસ અધિકારીએ જણાવ્યું કે વ્યક્તિને પબજી ગેમ રમવાની લત લાગી ગઈ હતી. સતત ગેમ રમવાના કારણે પત્નીએ તેને અટકાવ્યો હતો. આ બાદ પતિએ તેને ધક્કો મારીને પાડી દીધી હતી. ઘટનાથી ગુસ્સે થયેલી પત્નીએ આત્મહત્યાનો પ્રયાસ કર્યો હતો. સૂત્રોએ અમારા સહયોગી અમદાવાદ મિરરને જણાવ્યું હતું કે, આ પહેલા પણ પબજી ગેમને લઈને બંને વચ્ચે તકરાર થઈ ચૂકી છે. પરંતુ તે સમયે ઘટનામાં કોઈ ગંભીર પગલા નહોતા ભર્યા.
આ સમગ્ર મામલે કૃષ્ણનગરના પી.આઈ વી.આર ચૌધરીએ કંઈપણ બોલવાથી ઈનકાર કર્યો હતો. પરંતુ એટલું જાણી શકાયું હતું કે પોલીસે સમગ્ર મામતે કેસ નોંધીને તપાસ શરૂ કરી છે. ઉલ્લેખનીય છે કે પબજી ગેમની લત યુવાધનને ગેરમાર્ગે દોરી રહી છે. આ ગેમની લતના કારણે બાળકોમાં હિંસકવૃત્તિ જન્મતી હોવાનું પણ ડોક્ટર્સ અને મનોચિકિત્સક સ્વીકારે છે. અમદાવાદ શહેરમાં પણ થોડા દિવસો માટે આ ગેમને પ્રતિબંધિત કરાઈ હતી. પરંતુ પ્રતિબંધ હટતા જ ફરીથી ગેમની લતના કારણે તેની ખરાબ અસર કેવી રીતે લોકોનું જીવન બરબાદ કરી રહી છે તેનો વધુ એક કિસ્સો સામે આવ્યો.
from Page Array – I Am Gujarat https://ift.tt/2IR1HgS
No comments:
Post a Comment