ભરત યાજ્ઞિક, અમદાવાદઃ જો તમને લાગતું હોય કે ફિલ્મોમાં એન્ટ-મેનનો કોન્સેપ્ટ કે જ્યાં વ્યક્તિ જીવજંતુ સાથે વાતચીત કરી શકે અને પોતાની ઈચ્છા મુજબ તેમની પાસે કામ કરાવી શકે તે ખૂબ દૂરની વાત છે, તો અભિજીત સતાણીનું કામ શરૂઆત કરવા માટેની સારી જગ્યા છે. તેણે પોતાના એક પ્રયોગમાં જંતુના પીઠ પર લગાવેલા એક ઉપકરણની મદદથી પોતાના મેન્ટલ કમાન્ડથી ડાબી અને જમણી બાજુ તેને માર્ગદર્શન આપ્યું.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
પરંતુ સતાણી આ વાતને વળગી રહ્યો નથી, અમદાવાદના આ યુવકે એસિડ વરસાદ અટકાવવા માટે હ્યુમનમશીન ઈન્ટરફેસ જેવા વિવિધ ક્ષેત્રોમાં તેના નામના 4 પેટન્ટ પહેલાથી જ લઈ લીધા છે અને હવે તે હેલ્થકેરમાં પોતાના ઈનોવેશનને લાગુ કરવાનો પ્રયાસ કરી રહ્યો છે.
‘અમને કોમ્પ્યુટર-એડેડ પ્રોસ્થેટિક્સમાં ખૂબ સારા પરિણામો મળ્યા છે. પ્રસિદ્ધિ માટે અમારો દાવો ઓસ્ટ્રેલિયામાં એક પાંચ વર્ષના બાળકમાં કૃત્રિમ પગ લગાવવાનો હતો, જે અંગ તેણે ગુમાવી દીધું હતું. બાળક પોતાના પગને શક્ય એટલું સામાન્ય રીતે કંટ્રોલ કરવામાં સક્ષમ હતું. અમે હવે વિશ્વના ઘણા લોકોને આવા અદ્યતન અંગોને સપ્લાય કરીએ છીએ’ તેમ સતાણીએ કહ્યું જે શહેરની એક હોસ્પિટલમાં પોતાના વાયરલેસ ઈલેક્ટ્રોએન્સેફેલોગ્રામ (EEG)ના ટેસ્ટિંગ માટે કામ કરે છે.
સતાણીએ કહ્યું કે, તે ન્યૂરો સર્જરી દરમિયાન EEG મેળવવા માટે ન્યૂરો સર્જનો સાથે મળીને કામ કરવા માગે છે, જેથી સર્જરી દરમિયાન રિયલ ટાઈમ ફીડબેક મળે. ‘અમારે આ માટે ઘણી બધી પરમિશન લેવી પડશે. પરંતુ એકવાર જો સિસ્ટમનું ટેસ્ટિંગ થઈ જશે અને તેનો ઉપયોગ ઓપરેશન થીયેટરમાં થશે ત્યારબાદ સર્જનો ઓપરેશનમાં જ રિયલ-ટાઈમ ફીડબેક મેળવી શકશે. જેથી વ્યક્તિએ આ આ પ્રક્રિયા બીજીવાર કરાવવાની જરૂર જ નહીં પડે’ તેમ તેણે કહ્યું
સતાણી પાસે બેચરલ ડિગ્રી પણ નથી. ‘મને હંમેશાથી રિસર્ચમાં રસ હતો અને શહેરની એક કોલેજમાં એન્જિનિયરિંગમાં થોડા મહિના સુધી અભ્યાસ કર્યા બાદ મને જેમાં રસ છે તે કામ કરવાનું મેં નક્કી કર્યું અને પરિવારના પ્રોત્સાહન બાદ મેં પ્રયોગો માટે લેબ પણ ઊભી કરી. મને ખુશી છે કે 4 પેટન્ટ મેળવ્યા બાદ દુનિયાની ટોપની ઈન્ટસ્ટીટ્યૂટમાંથી મને કોલાબરેશન માટે આમંત્રણ મળી રહ્યું છે’ તેમ સતાણીએ કહ્યું.
પરંતુ સતાણી હાલમાં તો ગુજરાત ટેકનોલોજી યૂનિવર્સિટી અને iCreate સાથે પ્રયોગો અને ઈનોવેશન માટે કોલાબરેશન કર્યું છે. ‘અમે સતાણીને તેના નવા પ્રોજેક્ટ માટે અમારી લેબ ઓફર કરી છે. યૂનિવર્સિટીએ પણ તેને પેટન્ટ મેળવવામાં મદદ કરી હતી’ તેમ GTUના વાઈસ ચાન્સેલર નવિન શેઠે જણાવ્યું. ‘તેણે એક્સપ્રેસ BTechને પણ આગળ ધપાવવામાં રસ દાખવ્યો છે, જ્યાં કોર્ષ ચાર વર્ષ કરતાં પણ ઓછા સમયમાં પૂર્ણ થઈ શકે છે. યૂનિવર્સિટી પણ તેને આમ કરવામાં મદદ કરશે’.
કોમ્પ્યુટરની જેમ તેજ ચાલશે બાળકનું મગજ, બસ આજથી આટલું ખવડાવાનું શરૂ કરી દો
from Page Array – I Am Gujarat https://ift.tt/2NfEuWz
No comments:
Post a Comment