ભરત યાજ્ઞિક, અમદાવાદ: દાણીલીમડાના ધોરણ સાતમાં અભ્યાસ કરતા બે બાળકો રેહાન શેખ અને બાસીત અંસારી ઈટાલીના શહેર રોમ જશે. આવતા અઠવાડિયે આ બંને વિદ્યાર્થીઓ ગ્લોબલ ડિઝાઈન ફોર ચેન્જ સમિટમાં ભાગ લેવા રોમ જશે. આ સમિટ 26થી 30 નવેમ્બર દરમિયાન યોજાવાની છે. આ બંને વિદ્યાર્થીઓએ પોતાના વિસ્તારના બાળકોને શિક્ષણની સુવિધા મળી રહે તે માટે પહેલ કરી હતી. પરિણામે આ સમિટમાં ભાગ લેવા તેમની પસંદગી થઈ છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
રેહાન અને બાસીત દાણીલીમડા વિસ્તારમાં 100 જેટલા બાળકોને ભણાવે છે અને તેઓ પ્રાથમિક શિક્ષણ મેળવે તે માટે પ્રેરિત કરે છે. રેહાન શેખે કહ્યું, “ગયા વર્ષે વેકેશનમાં આની શરૂઆત થઈ હતી. અમને સ્થાનિક વિસ્તારની સમસ્યાનું નિરાકરણ લાવવાનો પ્રોજેક્ટ મળ્યો હતો. અમે ચંડોળા તળાવ અને બેરલ માર્કેટ વિસ્તારના ઝૂંપડપટ્ટી વિસ્તારના બાળકોનું એક ગ્રુપ બનાવ્યું. ત્યારે જાણવા મળ્યું કે, મોટાભાગના બાળકોએ સ્કૂલમાં એડમિશન લીધું નહોતું અથવા તો સ્કૂલ છોડી દીધી હતી.”
રેહાન અને બાસીત સહિત 12 વિદ્યાર્થીઓએ ગરીબ બાળકોને શિક્ષણ આપવાની પહેલ શરૂ કરી છે. તેમને સ્થાનિક સ્કૂલ અને સંસ્થાઓનો સપોર્ટ મળ્યો છે. શહેરના એક એનજીઓ સાથે સંકળાયેલા વિશિષ્ઠા મહેતાએ કહ્યું, “બંને વિદ્યાર્થીઓના માતા-પિતા વ્યવસાયે દરજી છે. તેમના માતા-પિતા પણ ખૂબ ખુશ છે. તેમના માટે આ ગર્વની ક્ષણ છે. આ બાળકોમાં લીડરશીપનો ગુણ છે અને જે કેળવવામાં મદદ મળવી જોઈએ.”
બાસીતે કહ્યું કે, “મારું સપનું છે કે હું આવા બાળકો સાથે કામ કરું જેથી આ વિસ્તારનો સામાજિક-આર્થિક વિકાસ કરી શકાય. શિક્ષણ કેળવણી છે અને ઘણા બાળકો હવે સમજી રહ્યા છે કે શીખવાથી તેમના માટે ઘણા દરવાજા ખુલી જશે. મોટાભાગના વિદ્યાર્થીઓ સમાજના એવા વર્ગમાંથી આવે છે જ્યાં શિક્ષણ કરતાં રોજગારને વધુ મહત્વ આપવામાં આવે છે.”
હૈદરાબાદની આઠ વર્ષની બાળકીએ કરી કમાલ, તેના નામે નોંધાયા બે વિશ્વ રેકોર્ડ
from Page Array – I Am Gujarat https://ift.tt/2QNLTQf
No comments:
Post a Comment