અમદાવાદઃ સ્વામી નિત્યાનંદ અને તેના બે સહાયકો વિરુદ્ધ પોલીસે નોંધી ફરિયાદ

અમદવાદઃ અમદાવાદ શહેરના છેવાડે આવેલા હિરાપુરમાં આધ્યાત્મિક ગુરુ નિત્યાનંદના આશ્રમની બાજુના બંગ્લોમાં પોતાની બે દીકરી અને દીકરાને ગોંધી રાખવાની બેંગલુરુના રહેવાસીએ ફરિયાદ કરી હતી. રવિવારે સાંજે આ મામલે પોલીસે સ્વામી નિત્યાનંદ અને હિરાપુર આશ્રમની દેખરેખ કરનારા તેના બે સહાયકો વિરુદ્ધ અપહરણ અને IPCની અન્ય કલમો હેઠળ ગુનો નોંધ્યો છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

ઘટનાના અહેવાલ મુજબ 2 નવેમ્બરે બાળકોના પિતાને બાળ અધિકારના રક્ષણ માટે ગુજરાત રાજ્ય પંચની (GSCPCR) મદદથી 13 વર્ષના દીકરા અને 15 વર્ષની દીકરીની કસ્ટડી મળી હતી. જેઓ બેંગલુરુમાં નિત્યાનંદના આશ્રમમાં રહેતા હતા અને 6 મહિના પહેલા જ તેમને અમદાવાદના આશ્રમમાં લવાયા હતા. વિવેકાનંદનગર પોલીસમાં નોંધાયેલી ફરિયાદ મુજબ, તેમના ત્રણ બાળકોને આશ્રમની બાજુમાં આવેલા બંગલામાં ગેરકાયદે રીતે ગોંધી રાખવામાં આવ્યા હતા.

અમદાવાદ ગ્રામિણ એસ.પી આર.વી અસારીએ TOIને જણાવ્યું કે, અમે બેંલગુરુના રહેવાસીના કહેવા પર વિવેકાનંદ નગર પોલીસ સ્ટેશનમાં સ્વામી નિત્યાનંદ અને તેના બે સહાયકો પ્રાણપ્રિયા અને પ્રિયાતત્વ વિરુદ્ધ IPC સેક્શન 365, 344, 323, 504, 506 (2) અને 114 હેઠળ ફરિયાદ નોંધી છે. તેમણે વધુમાં ઉમેર્યું કે, આશ્રમના લોકો દ્વારા બાળકોને ગેરકાયદે રીતે ગોંધીને શારીરિક અને માનસિક ત્રાસ આપવાની કલમ તથા આશ્રમમાં મજૂરી કરાવાતી હોવાથી આ ત્રણેય વિરુદ્ધ બાળ મજૂરી વિરોધી કલમ પણ લગાડવામાં આવી છે.

પરિવારે શનિવારે ફરીથી GSCPCRનો સંપર્ક કરીને પોતાની બે મોટી દીકરીની કસ્ટડી લેવાના પ્રયાસમાં પોલીસને મળ્યા બાદ નિત્યાનંદ અને તેમના સહાયકો વિરુદ્ધ ફરિયાદ નોંધવામાં આવી છે. પોલીસે જણાવ્યું કે બેંલગુરુના રહેવાસી જનાર્દન શર્મા અને તેમની પત્ની ઉમેશ્વરીએ 2 નવેમ્બરે પોતાના ચાર સંતાનની કસ્ટડી લેવા માટે પોલીસનો સંપર્ક કર્યો હતો. પોલીસની ટીમે 2 નવેમ્બર 2 સગીરોને છોડાવ્યા હતા.

જોકે આ દરમિયાન કરણીસેના તથા પાટીદાર અનામત આંદોલન સમિતિના લોકોએ બેંગલુરુના રહેવાસીના સમર્થન કરતા આશ્રમની બહાર દેખાવો કર્યા હતા. રવિવારે સવારે કરણીસેના કેટલાક કાર્યકરો પત્રકારો સાથે આશ્રમમાં ઘુસીને ગુમ થયેલી છોકરીની ભાળ મેળવવાનો પ્રયાસ કર્યો હતો.

from Page Array – I Am Gujarat https://ift.tt/35hpAqt