ફેસબુક પર મળ્યા અને પહેલી જ ડેટ પર કરી નાખી યુવતીની હત્યા

યશિકા બધવાર, જયપુરઃ દિલ્હીની એક છોકરીની હત્યા કરીને તેના શબને હરિયાણામાં ફેંકનારા જિમ ઓનરની કસ્ટડી જયપુર પોલીસને મળી ગઈ છે. તેની પૂછપરછ દરમિયાન ચોંકાવનારા ખુલાસાઓ થયા. તપાસમાં સામે આવ્યું કે બંને 6 ડિસેમ્બરે પહેલીવાર દિલ્હીમાં મળ્યા હતા અને તે જ દિવસે જિમ ઓનરે યુવતીની હત્યા કરી નાખી. ઘટનાના એક મહિના પહેલા બંને ફેસબુક દ્વારા મળ્યા હતા. તેણે છોકરીના ફોનથી કેબ બુક કરાવી અને પકડાઈ જવાના ડરથી 7 ડિસેમ્બર તેની હત્યા પણ કરી નાખી.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

35 વર્ષીય જીમ ઓનર હેમંત લાંબાને સુરતથી 10 ડિસેમ્બર પકડ્યા બાદ હરિયાણા પોલીસને સોંપી દેવામાં આવ્યો. ગુરુવારે જયપુર પોલીસને તેની કસ્ટડી મળી ગઈ. મામલામાં તપાસ કરી રહેલા SHO વિક્રાંત શર્માએ અમારા સહયોગી ટાઈમ્સ ઓફ ઈન્ડિયાને કહ્યું, પૂછપરછ દરમિયાન લાંબાએ જણાવ્યું કે તે દિવતે યુવતીની હત્યા કરી, તે દિવસે તે નશામાં હતો.

ફેસબુક પર મિત્રતા બાદ આરોપીએ જે પ્રકારની ઉમ્મીદ કરી હતી, મુલાકાત દરમિયાન યુવતી તે પ્રકારની ન નીકળી. તેને શંકા હતી કે યુવતીને અન્ય કોઈ મહિલાએ મોકલી છે જેણે 2016માં ગુંડગાંવમાં તેના પર દુષ્કર્મનો કેસ કર્યો હતો. આ કેસમાં તેની ધરપકડ પણ કરાઈ હતી.

22 વર્ષીય દીપ્તિ ગોયલની હત્યા કર્યા બાદ હેમંતે યુવતીના મોબાઈલથી દિલ્હીથી જયપુર માટે કેબ બુક કરાવી. આ બાદ જયપુર પહોંચીને તેણે કેબ ચાલકને પણ મોતને ઘાટ ઉતારી દીધો. જ્યારે તે સુરતમાં કેબને વેચવાનો પ્રયાસ કરી રહ્યો હતો ત્યારે કાર ડીલરને તેના પર શંકા થતા તેણે સ્થાનિક પોલીસને જાણકારી આપી જે બાદ હત્યારાની ધરપકડ કરી લેવાઈ.

from Page Array – I Am Gujarat https://ift.tt/2Q6v96k