મહુઆ દાસ, મુંબઈ: લોકડાઉનને એક મહિનાથી પણ વધુ સમય થઈ ગયો છે. તેના કારણે હોટેલ, રેસ્ટોરાં તેમજ બારના ધંધા તો સાવ સફાચટ જ થઈ ગયા છે. તેવામાં મહારાષ્ટ્રમાં એક લાખ લિટર જેટલું બિયર ગટરમાં વહાવી દેવું પડે તેવી સ્થિતિ સર્જાઈ છે. આ બિયર બ્રાન્ડેડ નથી, પરંતુ સ્થાનિક ઉત્પાદકો દ્વારા બનાવવામાં આવ્યું છે, અને એક મહિનામાં તેને ઉપયોગમાં ના લેવાય તો તે કશાય કામમાં નથી આવતું.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
લોકલ બિયરને બ્રાન્ડેડ બિયરની જેમ રિટેલ લિકલ શોપ પર નથી વેચી શકાતું. તેને રેસ્ટોરાં કે બારમાં જ વેચવું પડે છે. વળી, તેની કોઈ ડિસ્ટ્રિબ્યુટર ચેનલ ના હોવાથી તેને રિટેલ ગ્રાહકો સુધી પહોંચાડવું મુશ્કેલ છે. વ્હીસ્કી અને વોડકા જેવા લીકર જેટલા જુના હોય તેટલી તેની વધુ કિંમત આવે છે. તેને વર્ષો સુધી બેરલમાં રાખી શકાય છે. પરંતુ બિયર તો એક વાર બની જાય તેના મહિનામાં તેનો ફ્લેવર અને બ્રાઈટનેસ ગુમાવવા લાગે છે.
છેલ્લા ત્રણેક વર્ષથી મહારાષ્ટ્રમાં લોકલ મેડ બિયર ખાસ્સું પોપ્યુલર બની રહ્યું છે. આ ઈન્ડસ્ટ્રી વર્ષે 25 ટકાના દરે વિકસી રહી છે, પરંતુ લોકડાઉનને કારણે તેની કમર તૂટી ચૂકી છે. જો આ જ સ્થિતિ બે મહિનાથી વધારે ચાલી તો મોટાભાગના લોકલ બિયર ઉત્પાદકો માટે અસ્તિત્વ ટકાવી રાખવું અઘરું બની જશે.
કેટલાક બિયર ઉત્પાદકોએ તો હવે પોતાના પ્લાન્ટમાં બિયરને બદલે હેન્ડ સેનેટાઈઝર બનાવવાનું પણ શરુ કરી દીધું છે, જ્યારે કેટલાક તેના માટે પરમિશન મળે તેની રાહ જોઈને બેઠા છે. મહારાષ્ટ્રમાં લોકડાઉન શરુ થાય તે પહેલા જ બાર અને રેસ્ટોરાં બંધ કરી દેવાયા હતા. લોકડાઉન ખૂલે ત્યારબાદ પણ સોશિયલ ડિસ્ટન્સિંગ જળવાઈ રહે તે સુનિશ્ચિત કરવા બાર અને રેસ્ટોરાંને કામ કરવા પરમિશન મળશે કે નહીં તે પણ સુનિશ્ચિત નથી, તેવામાં આ બિયર ઉત્પાદકો ભીંસમાં આવી ગયા છે.
from Page Array – I Am Gujarat https://ift.tt/3cUBNFj
No comments:
Post a Comment