અમદાવાદ: કોરોના વાયરસના પ્રકોપથી અમદાવાદની સ્થિતિ દિવસેને દિવસે ગંભીર બની રહી છે. સોમવારે વધુ 197 કેસો સામે આવતા શહેરમાં કોરોનાના દર્દીઓનો આંકડો 2378 પર પહોંચી ગયો છે. ચોંકાવનારી બાબત એ છે કે, નવા 197 કેસોમાં 70 કેસ ચાલી વિસ્તારના હોવાનું સામે આવ્યું છે. જેમાં સૌથી વધુ કેસ નારણપુરાના વાળીનાથ ચોક પાસેના ગોપાલનગર અને અસારવામાં કડિયાની ચાલી સહિતના વિસ્તારમાંથી મળી આવ્યા છે. મોટાભાગના કેસો કોરોના સુપર સ્પ્રેડર્સના હોવાનું સામે આવ્યું છે.
અસારવા વિસ્તારમાં આવેલી કડિયાની ચાલીમાં 23 જેટલા પોઝિટિવ કેસ નોંધાયા છે જ્યારે મેમનગર વિસ્તારમાં આવેલા ગોપાલનગર અને આસપાસના વિસ્તારમાં 10 જેટલા પોઝિટિવ કેસ આવ્યા છે. તેમજ કોટ વિસ્તારમાં 40થી વધુ કેસ નોંધાયા છે. શાહપુર ફાયરબ્રિગેડનો જવાન ઉપરાંત સાબરમતી સેન્ટ્રલ જેલના હેડ કોન્સ્ટેબલનો પણ કોરોનાનો રિપોર્ટ પોઝિટિવ આવ્યો છે. આ ઉપરાંત સારંગપુર, મજૂરગામ, ગોતા, નિર્ણયનગર, ઘીકાંટા, ચાણક્યપુરી અને ઘાટલોડિયા સહિતના વિસ્તારોમાંથી પણ પોઝિટિવ કેસો આવ્યા છે.
અમદાવાદમાં પોઝિટિવ કેસની સંખ્યા વધતા હવે હોસ્પિટલો પણ લગભગ ફૂલ થવાના આરે છે. કોર્પોરેશન સંચાલિત એસવીપી હોસ્પિટલમાં 792 એટલે લગભગ 800 બેડ ભરાઈ જતા હોસ્પિટલની કેપેસિટી પૂર્ણ થઈ ગઈ છે. જેથી હવે કોરોનાના દર્દીઓને સારવાર માટે સિવિલમાં રિફર કરાશે. જો કે, કેસ વધવાની સ્થિતિ મુજબ સિવિલમાં વધુ 1300 બેડ ઉભા કરવા માટે પ્રક્રિયા ચાલી રહી છે એટલે સિવિલની ક્ષમતા 2500 બેડની થશે.
MLA ઈમરાન ખેડાવાલા ડિસ્ચાર્જ કરાયા
જમાલપુર-ખાડિયાના ધારાસભ્ય ઇમરાન ખેડાવાલાના કોરોનાના બે રિપોર્ટ નેગેટિવ આવ્યા બાદ ડિસ્ચાર્જ આપવામાં આવ્યો છે. ડિસ્ચાર્જ થયા બાદ ખેડાવાલાએ લોકોને સંદેશ આપ્યો હતો કે, લક્ષણો જણાય તો તરત જ ડૉક્ટર પાસે જવું જોઈએ. હોસ્પિટલના સ્ટાફ અને ડૉક્ટરની સલાહ માનશો તો જલદીથી રિકવર થઈ શકો છો. ડિસ્ચાર્જ થયા બાદ ખેડાવાલાએ પ્લાઝમા ડોનેટ કરવાનો પણ નિર્ણ કર્યો છે. ઉલ્લેખનીય છે કે, 14 એપ્રિલે ઇમરાન ખેડાવાલાનો કોરોનાનો રિપોર્ટ પોઝિટિવ આવતા તેમને સારવાર માટે શહેરની એસવીપી હોસ્પિટલમાં દાખલ કરાવ્યા હતા.
લોકડાઉનમાં પણ અહીંના લોકોને પાણી માટે કલાકો લાઈનમાં ઊભા રહેવું પડે છે, જુઓ તેમની સ્થિતિ
from Page Array – I Am Gujarat https://ift.tt/3cQk2XF
No comments:
Post a Comment