લોકડાઉનઃ છેલ્લા એક મહિનાથી રોજ 3 હજાર ગરીબોને જમાડે છે ટેલિવુડની આ એક્ટ્રેસ

ગરીબોની મદદે આવી એક્ટ્રેસ

ટીવી એક્ટ્રેસ રિશીના કંધારી અને તેનો પતિ વિશાલ કંધારી લોકડાઉનના આ કપરા સમયમાં ગરીબો અને જરૂરિયાતમંદોની મદદ માટે આગળ આવ્યા છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

‘ગરીબોની મદદ કરવા હંમેશા તત્પર’

આ વિશે વાત કરતાં એક્ટ્રેસે કહ્યું કે, ‘હું અને મારો પતિ હંમેશા લોકોની મદદ કરવા માટે તત્પર રહીએ છીએ. આ પહેલા પણ અમે ઘણીવાર આમ કરી ચૂક્યા છીએ. જ્યારે વિશાલે લોકોની મદદ માટે એક ઓર્ગેનાઈઝેશન ખોલવાની વાત કરી તો મને ખૂબ ખુશી થઈ. અમે ઘર અને ઓફિસના સ્ટાફની પણ કાળજી રાખી રહ્યા છીએ સાથે જ મહારાષ્ટ્રના અંતરિયાળ ગામમાં સ્કૂલો ઊભી કરવા માટે મદદ કરી રહ્યા છીએ. અમે બંને દૈનિત વેતન મેળવનારા મજૂરોની સ્થિતિને સારી રીતે સમજીએ છીએ અને તેથી જ તેમને ભોજન અને કરિયાણું આપી રહ્યા છીએ. પરંતુ લોકોએ ગભરાઈને જથ્થામાં બધું ખરીદી લેતાં થોડા સમય માટે તો કરિયાણનો સ્ટોક ખતમ થઈ ગયો હતો. અમે રોજ 3 હજાર ગરીબોને જમાડીએ છીએ. જ્યારે આ કામ કરીને ઘરે પરત આવું છું ત્યારે મનને સંતોષ થાય છે’.

‘બધાએ ભેગા થઈને મદદ કરવાની જરૂર’

તો વિશાલે કહ્યું કે, આ સમય દરેકે થોડી-થોડી મદદ કરવાનો છે. ‘અત્યારે બધાને ભેગા થઈને અન્ય લોકોને મદદ કરવી ખૂબ જરૂરી છે. કોઈ વ્યક્તિ એકલા હાથે આટલું બધું કરી શકે નહીં. જ્યારે સેલિબ્રિટી આગળ આવીને મદદ કરે છે ત્યારે સામાન્ય લોકો પણ તેનું મહત્વ સમજે છે’.

‘મારા માતા-પિતાની જવાબદારી મારા પર છે’

રિશીનાને હાલ બે ઘરનું ધ્યાન રાખવું પડી રહ્યું છે. એક તો પોતાનું અને બીજું તેના માતા-પિતાના ઘરનું. ‘અત્યારે મારા ઘરે મદદ કરનાર કોઈ નથી. હું જાતે રસોઈ બનાવું છું, ઘરની સાફ-સફાઈ કરું છું અને મારા માતા-પિતાની સંભાળ રાખું છું, કારણ કે અમે એક જ બિલ્ડિંગમાં રહીએ છીએ. આ સિવાય મારે ફૂડ પેકેટ પણ તૈયાર કરવાના હોય છે’.

મિત્રોએ આપ્યું ‘સુપરવુમન’નું ઉપનામ

તેણે ઉમેર્યું કે, ‘હું આટલું બધું કામ કરી રહી હોવાથી મારા પરિવારે અને મિત્રોએ મને સુપરવુમનનું ઉપનામ આપ્યું છે. રોજિંદુ કામ પૂરું કરું ત્યાં સુધીમાં તો થાકી જાઉ છું પરંતુ યોગ્ય પોષકતત્વો લઈને શરીરમાં એનર્જી જાળવી રાખું છું. ટાઈમ મેનેજમેન્ટ મારા શેડ્યૂલની ચાવી છે. ઘર, કામ, સામાજિક કામ અને હેલ્ધી લાઈફસ્ટાઈલને મેનેજ કરું છું. મારો પતિ મને સર્વગુણ સંપન્ન કહીને બોલાવે છે’.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2zIRb9z