કોરોના વાયરસના પ્રકોપને જોતા દેશવ્યાપી લોકડાઉન જાહેર કરાયું છે. ઘણા લોકો એવા છે જેમને ખાવા-પીવાની પણ મુશ્કેલી પડી રહી છે. એવામાં માસ્ક વિશે તો વિચારી પણ ન શકે. જોકે આવા લોકોની મદદ માટે ઘણા લોકો સામે આવી રહ્યા છે. લખનઉના રાજેન્દ્ર નગર કોલોનીમાં રહેનારા 85 વર્ષના કુમુદ બાજપાઈ પોતાના પેન્શનના પૈસાથી લોકો માટે ફેસ માસ્ક સીવી રહ્યા છે. સાથે જ રોજના 50-70 ફૂડ પેકેટ્સ વહેંચે છે. આ કામમાં તેમના પરિવારા અન્ય લોકો પણ મદદ કરે છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
દેશમાં જ્યારથી લોકડાઉન લાગુ છે ત્યારથી તે માસ્ક બનાવવાના કામમાં લાગેલા છે. કુમુદ બાજપાઈ કહે છે કે, આ સંકટના સમયમાં પ્રત્યેક દેશવાસીઓનું કર્તવ્ય છે કે તેઓ જરૂરિયાતમંદોને મદદ કરે. હું છેલ્લા ત્રણ અઠવાડિયાથી ટ્રિપલ લેયર ફેસ માસ્ક બનાવી રહી છું અને સ્થાનિક જરૂરિયાતમંદ લોકોને વહેંચી રહી છું.
તેમણે કહ્યું કે, માસ્ક સાથે સાથે અમે લોકો રોજ 50થી 70 ફૂડ પેકેટ્સ પણ તૈયાર કરીએ છીએ. મારા પરિવારના લોકો જાતે જ બહાર જઈને સ્થાનિક જરૂરિયાતમંદ લોકો વચ્ચે તેને વહેંચવાનું કામ કરે છે.
કુમુદ બાજપાઈનું કહેવું છે કે, મારા પતિ એલઆઈસીમાં હતા. તેમના મૃત્યુ બાદ મને દર મહિને 10,000 રૂપિયાનું પેન્શન મળે છે. હું પહેલાના સેવિંગ્સ અને પેન્શનના પૈસાથી કપડા ખરીદું છું. સાથે જ ઘરમાં માસ્ક સીવવાનું કામ કરું છું. રોજ માસ્ક બનાવવા અને લોકોનું રાશન ખરીદવામાં 3000-4000 રૂપિયાનો ખર્ચ થાય છે. હાલમાં લોકોની મદદ કરવામાં હું જાતે સક્ષમ છું. આથી મેં નિર્ણય લીધો છે કે જ્યાં સુધી લોકડાઉન ચાલું રહેશે હું જરૂરિયાતમંદોની મદદ કરતી રહીશ.
કુમુદ બાજપાઈના વહુ સ્મિતા જણાવે છે કે, આજના રાશનના પેકેટ તૈયાર થઈ ગયા છે. અમે લોકો તેને વહેંચવા માટે મોકલીશું. આસપાસ જે પણ જરૂરિયાતમંદ છે તેમને આ વહેંચવામાં આવશે. આ ખૂબ જ જરૂરી છે કે સંકટના સમયમાં ગરીબ અને જરૂરિયાતમંદો માટે લોકો આગળ આવે.
from Page Array – I Am Gujarat https://ift.tt/2VDBN6S
No comments:
Post a Comment