‘રામાયણ’ જોતા લોકોને આ એક્ટ્રેસે ગણાવ્યા સ્વાર્થી, કહ્યું ‘ભગવાનની ત્યારે યાદ આવી જ્યારે…’

દુનિયાભરમાં કોરોના વાયરસનો પ્રકોપ છે. ભારત પણ આ મહામારી સામે લડી રહ્યું છે. વાયરસથી બચવા માટે દેશમાં 21 દિવસનું લોકડાઉન જાહેર જાહેર કરાયું છે. સાથે જ લોકોને ઘરમાં રહેવા તેમજ કોઈને ન મળવાની અપીલ કરાઈ છે. તેવામાં જનતાએ દૂરદર્શન પર 80ના દશકાની સૌથી પોપ્યુલર સીરિયલ ‘રામાયણ’ને ફરીથી શરૂ કરવાની માગ કરી હતી.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

કવિતા કૌશિકનું ટ્વીટ

જનતાની માગને માન આપીને દૂરદર્શન પર સવાર-સાંજ એમ બે વખત ‘રામાયણ’ ટેલિકાસ્ટ થઈ રહી છે. તો બીજી તરફ લોકોને પણ ફરીથી સીરિયલ જોવી ગમી રહી છે. પરંતુ FIR સીરિયલની એક્ટ્રેસ કવિતા કૌશિકને આ વાત ગમી નહીં. કવિતાએ રામાયણ જોતા લોકોને ફટકાર લગાવતા ટ્વીટ કર્યું અને ભગવાનની માફી પણ માગી છે.

Prabhu hum bewakoof evam swaarthi logon ko maaf karna ,humko aapki aur aapka serial dekhne ki yaad bhi tab aai jab ek epidemic aaya, warna hum toh happily Big boss aur roadies mei doobey thay

— Kavita (@Iamkavitak) April 3, 2020

કવિતાએ પોતાના ટ્વીટમાં લખ્યું છે કે, ‘ભગવાન અમે મૂર્ખ અને સ્વાર્થી છીએ અમને માફ કરજો, અમને તમારી અને તમારી સીરિયલ જોવાની યાદ ત્યારે આવી જ્યારે એક મહામારી આવી. નહીં તો અમે ખુશી-ખુશી બિગબોસ અને રોડીઝ જોતા હતા’.

કવિતા કૌશિકની આ વાત પર કેટલાક લોકો સંમતિ વ્યક્ત કરી તો કેટલાકે વાતનો ખોટી ગણાવતા દલીલ કરી હતી. એક યૂઝરે લખ્યું છે કે, આ કડવું સત્ય છે તો બીજાએ લખ્યું છે કે, અડધી વાત છે કારણ કે બધા બિગ બોસના ઘરમાં રહેતા હોય તેવું લાગી રહ્યું છે.

રામાયણના રિ-ટેલિકાસ્ટને દર્શકો તરફથી સારો પ્રતિસાદ મળી રહ્યો છે. માત્ર 4 એપિસોડમાં તેને 170 મિલિયન દર્શકો મળ્યા હતા. આ સાથે જ સીરિયલે ટીઆરપીના મામલે રેકોર્ડ બ્રેક કર્યો છે. રામાયણનું ફરીથી પ્રસારણ કરાતા સીરિયલમાં કામ કરી ચૂકેલા એક્ટર્સ જેમ કે અરુણ ગોવિલ, દીપિકા ચિખલિયા, અરવિંદ ત્રિવેદી ખુશ છે.

‘સીતાજી’ પણ તેમના પતિ અને બાળકો સાથે જોઈ રહ્યા છે દૂરદર્શન પર ફરી આવતી ‘રામાયણ’

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat https://ift.tt/2V4zqZj