અદાણી ગેસ લિમિટેડ (AGL)એ કોમ્પ્રેસ્ડ નેચરલ ગેસ (CNG) અને ઘરેલુ વપરાશના પીએનજી (પાઈપ્ડ નેચરલ ગેસ)ના ભાવમાં ઘટાડો જાહેર કર્યો છે. અદાણી ગેસે જાહેર કરેલો આ ભાવ ઘટાડો દેશના વિવિધ વિસ્તારોમાં ગુરુવાર (9 એપ્રિલ)થી લાગુ થયો છે. હરિયાણાના મહેન્દ્રગઢમાં CNGમાં પ્રતિ કિલો 3.60 રૂપિયા ઘટાડવામાં આવ્યા છે. જ્યારે ફરિદાબાદ અને ખુર્જામાં પ્રતિ કિલોએ 2.75 રૂપિયાનો ઘટાડો કરવામાં આવ્યો છે. અમદાવાદ અને વડોદરામાં CNGના ભાવમાં પ્રતિ કિલોએ 2.25 રૂપિયા ઘટાડ્યા છે. ઘરેલુ વપરાશના પીએનજીમાં દેશ આખામાં કંપનીએ 1 રૂપિયા પ્રતિ SCMનો ઘટાડો કર્યો છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
અમદાવાદ અને વડોદરામાં આજથી CNGનો નવો ભાવ 52.57 રૂપિયા પ્રતિ કિલો થયો છે. અગાઉ આ કિંમત 54.82 રૂપિયા પ્રતિ કિલો હતી. આ જ રીતે પ્રતિ SCM (સ્ટાન્ડર્ડ ક્યૂબિક મીટર) પીએનજીનો નવો ભાવ 29.09 રૂપિયા થયો છે, જે અગાઉ 30.09 રૂપિયા હતો. કંપનીનું હેડક્વાર્ટર્સ અમદાવાદમાં છે ત્યારે ગેસ વિતરણ કરવાના નેટવર્ક ગુજરાતમાં વડોદરા અને અમદાવાદમાં જ્યારે ઉત્તરપ્રદેશમાં ખુર્જા અને હરિયાણાના ફરિદાબાદમાં છે.
કંપનીએ જણાવ્યું, “પીએનજીની કિંમત ઘટાડી હોવા ઉપરાંત અમારા ગ્રાહકોને અન્ય લાભ મળશે. વધુ સારી સગવડ, ડિજિટલ પેમેન્ટની સુવિધા, સુરક્ષા અને 24 કલાક પીએનજીનો સપ્લાય મળી રહેશે. CNGની કિંમતમાં ઘટાડો થતાં અમારા ગ્રાહકો પેટ્રોલ અને ડીઝલની સરખામણીએ વધુ બચત કરી શકશે.”
જુગાડઃ સેનિટાઈઝ કરવા માટે ઊંટનો ઉપયોગ, વીડિયો વાઈરલ
from Page Array – I Am Gujarat https://ift.tt/3c4Oe0Q
No comments:
Post a Comment