મારુતિ Dzireને અને હોન્ડા અમેઝની ટક્કરમાં Tata મોટર્સ લાવશે નવી કોમ્પેક્ટ સિડાન કાર

ટાટા મોટર્સની નવી સિડાન કાર

મારુતિ ડિઝાયર સબ-4 મીટર કોમ્પેક્ટ સિડાન કારમાં વેચાણ મામલે સૌથી આગળ રહી છે. આ સિડાન કારને ટક્કર આપવા માટે ભારતીય માર્કેટમાં Hyundai Aura, Tata Tigor અને Hyundai Amaze જેવી ઘણી કાર્સ છે. જોકે ટાટા હવે કોમ્પેક્ટ સેડાન કારમાં Goshaq કોડનેમ સાથે નવી કાર ALFA (એજલ, લાઈટ, ફ્લેક્સિબલ અને એડવાન્સ્ડ) લાવી રહી છે. આ પ્લેટફોર્મનો ઉપયોગ ટાટાની પ્રીમિયમ હેચબેક એલ્ટ્રોઝ અને આવનારી માઈક્રો એસયુવી HBX જેવી હશે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

ક્યારે થશે લોન્ચ

Tata Goshaq નેક્સ્ટ-જનરેશન ટિગોર હશે અથવા ટિગોરને રિપ્લેસ કરશે તે હજુ સ્પષ્ટ નથી. ટાટાની આ નવી સબ-કોમ્પેક્ટ સેડાનમાં એલ્ટ્રોઝ જેવું એન્જિન મળવાની ઉમ્મીદ છે. તેમાં 1.2 લીટર પેટ્રોલ અને 1.5 લીટર ટર્બો ડીઝલ એન્જિન સામેલ છે. કારમાં મેન્યુઅલ અને ઓટોમેટિક બંને ગિયરબોક્સ ઓપ્શન મળી શકે. મારુતિ ડિઝાયર, હોન્ડા અમેઝ અને હ્યુંડાઈ ઔરા જેવી કાર્સના મુકાબલે આવનારી ટાટાની આ નવી કાર વર્ષ 2022માં લોન્ચ કરી શકાય છે. આ નાની સિડાનને ઓટો એક્સ્પો 2022માં શોકેસ કરી શકાય છે.

શું છે ALFA પ્લેટફોર્મ?

ટાટા મોટર્સના નવા આલ્ફા મોડ્યુલર પ્લેટફોર્મ પર અલગ-અલગ બોડી સ્ટાઈલની કાર બનાવી શકાય છે. જેમાં હેચબેકથી લઈને સિડાન, MPV અને કોમ્પેક્ટ એસયૂવી સુધી સામેલ છે. કંપનીએ પહેલા પુષ્ટિ કરી છે કે આ પ્લેટફોર્મનો ઉપયોગ 4.3 મીટરની લંબાઈ સુધીની કાર્સને ડેવલપ કરવા માટે કરાશે. ALFA આર્કિટેક્ચરમાં ફ્લેટ ફ્લોર આપેલો છે, જેથી તેના પર બનનારી કારમાં વધારે લેગસ્પેસ મળે. કંપનીનો દાવો છે કે આ પ્લેટફોર્મ ઘણા પાવરટ્રેન સપોર્ટ કરે છે. જેમાં પેટ્રોલ અને ડીઝલ ઉપરાંત હાઈબ્રિટ અને ઈલેક્ટ્રિક પાવરટ્રેન સામેલ છે.

આવી રહી છે 7 સીટર એસયુવી

ટાટા મોટર્સ હાલમાં પોતાની 7 સીટર એસયુવી ગ્રેવિટસ લાવવાની તૈયારીમાં છે. આ કારને ફેબ્રુઆરીના શરૂઆતમાં ઓટો એક્સપોમાં શો કેસ કરાઈ હતી. ટાટાની આ નવી એસયુવી એમજી હેક્ટર પ્લેસ અને મહિન્દ્રા એક્સયુવી 500 જેવી કારને ટક્કર આપશે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat https://ift.tt/3aAO9Rn